web counter
LEXO PA REKLAMA!

SHKARKO APP

App Store
Google Play

Gazetari Elvi Fundo fiton gjyqet në Gjermani me "Acromax"-in dhe Aldor Ninin

27 Shtator 2024, 16:02, Aktualitet CNA
Gazetari Elvi Fundo fiton gjyqet në Gjermani me "Acromax"-in dhe
Foto ilustruese, Elvi Fundo dhe Aldor Nini

Gazetari Elvi Fundo u njoftua zyrtarisht nga gjykata të premten, më 27 shtator, edhe nëpërmjet studios ligjore që e përfaqëson, se “Acromax”, i përfaqësuar nga CEO i tij, Aldor Nini, ka humbur katër procese gjyqësore ndaj gazetarit në Köln në Shkallën e Parë të Gjermanisë.

Pak javë më parë, kompania “Acromax” po kërkonte të drejtën e autorit të disa sekuencave në video të ndryshme të përdorura nga media CNA, kundër gazetarit Elvi Fundo.

Në fakt, 1 prej çështjeve është tërhequr nga “Acromax” dhe ditën e djeshme Gjykata ka shpallur vendimin në favor të gazetarit Elvi Fundo për 4 çështje të tjera.

Gjykata e Köln-it u kërkoi palëve të arrinin një marrëveshje më parë. Zgjidhja e sugjeruar nga Fundo nuk u pajtua nga “Acromax” dhe “Acromax” kërkoi, ndër të tjera, që Fundo të binte dakord që në të ardhmen të gjitha mosmarrëveshjet ligjore mes tij dhe personalisht Aldor Ninit të silleshin para një gjykate gjermane në përputhje me ligjin gjerman.

Sipas avokatit të Fundos kjo është e paarsyeshme dhe shpërdorim i ligjit. Për më tepër, synimi i një kërkese të tillë ka të ngjarë të jetë i qartë: “Acromax” dhe CEO i tij donin të sulmonin personalisht gazetarin Elvi Fundo, megjithëse ai nuk kishte asnjë përgjegjësi ligjore për këtë çështje.

Sipas vendimit të Gjykatës, çështjet janë fituar nga gazetari Elvi Fundo dhe deri më tani në gjykatat/prokuroritë gjermane nuk ka asnjë gjykim penal të humbur apo dënim në lidhje me kompaninë “Acromax”. E kundërta është e vërtetë, “Acromax” ka hedhur akuza të padrejta ndaj gazetarit Elvi Fundo dhe drejtori ekzekutiv i tyre ka gënjyer para gjykatës.

Nga ana tjetër, për shumicën e raportimeve të bëra nga “Acromax”, media CNA ka autorizime nga televizionet kryesore në vend si “TV Klan”, “Vizion Plus”, “ABC News”, “Euronews”, dhe “Syri TV” për të drejtat e përdorimit të përmbajtjes së tyre, gjë që mbështet dyshimin se “Acromax” nuk ishte i interesuar për të mbrojtur të drejtat e autorit në rastet e mësipërme. 

Një tjetër fakt që e mbështet këtë dyshim është se sulmet nisën pasi CNA publikoi një material shumë të rëndësishëm në qershor 2024 për një incident të ndodhur me shtetasin Aldo Nini, një çështje e ndjeshme për vajzën e tij, ndërkohë që më parë CNA publikoi edhe faktin e një skandali për përndjekjen që CEO i “Acromax”, Aldor Nini, i ka bërë ish-të fejuarës së tij, shtetases S. B.

CNA ka sjellë edhe fakte se së shpejti pritet që gjykata e Tiranës të zhvillojë seancën gjyqësore për akuzën e përndjekjes ndaj shtetasit Aldor Nini.

Të gjitha këto publikime ndaj shtetasit Aldor Nini shkaktuan raportime abuzive të llogarive të CNA-së në rrjetet sociale nga “Acromax”, CEO i së cilës është Aldor Nini. Pra, për punët e tij personale po keqpërdorte besimin e klientëve të “Acromax” dhe kjo nuk është hera e parë që e bën.

Për disa kohë, llogaritë e CNA në rrjetet sociale kishin probleme dhe disa u mbyllën, por ishte sinergjia dhe ndërhyrja e fortë e disa prej organizatave më të rëndësishme evropiane dhe botërore të medias, shoqatave të gazetarëve, të cilat njoftuan “Meta” dhe Google për abuzimin. Veprimet e “Acromax” jo duke siguruar të drejtat e klientëve të tij, por duke u përpjekur të kërcënojnë fjalën e lirë të medias. Pas këtyre veprimeve, shumica e kanaleve të CNA-së u rivendosën. Tashmë pritet rikthimi i kanalit në “YouTube” pas vendimit të gjyqit.

Nga të gjitha këto zhvillime të fundit, tregohet edhe një herë se “Acromax” raporton në mënyrë abuzive për dëmtimin e fjalës së lirë të medias dhe për më tepër sulmon njerëzit personalisht, pa ndjekur rrugët e duhura ligjore.

Nëpërmjet disa fakteve mund të supozohet se lajmet e rreme dhe shpifëse janë iniciuar nga “Acromax” për disa portale anonime lokale, duke treguar qëllimin se i gjithë ky gjyq dhe pretendimet nuk kishin të bënin me mbrojtjen e klientëve, por sulmonin median e CNA-së dhe pronarin e saj, gazetarin Elvi Fundo me vetëm arsyen e asaj që publikohet për shtetasin Aldor Nini. Gjithsesi, me lajmet e rreme dhe portalet përkatëse do të shihen veçmas në instancat përkatëse, në Shqipëri dhe jashtë vendit.

Në hapin e radhës do të publikohen dhe bëhen transparente për publikun të gjitha dokumentet e nevojshme dhe të gjithë autorët e sulmit dhe akuzat e padrejta e të pavërteta ndaj gazetarit Elvi Fundo dhe mediave të CNA-së do të vihen para drejtësisë.

Vetë media CNA është duke u konsultuar me disa organizata ndërkombëtare, janë bashkëngjitur edhe studiot profesionale në lidhje me ligjin e medias, të cilat pritet të ndërtojnë së shpejti raportet e duhura për kompaninë “Acromax” dhe për shtetasin Aldor Nini, i cili ka keqpërdorur detyrën e tij si CEO i “Acromax” për punët personale./ CNA

 





Lajmet e fundit nga