web counter
LEXO PA REKLAMA!

SHKARKO APP

App Store
Google Play

Aldor Nini keqpërdor klientët e “Acromax” për hakmarrje personale

7 Korrik 2024, 15:59, Acromax / Aldor Nini CNA

Aldor Nini keqpërdor klientët e “Acromax” për

Aldor Nini, drejtuesi i “Acromax Media”, keqpërdor kompaninë e tij dhe shfrytëzon kontratat që ka me mediat në Shqipëri për interesat e tij të historive rozë dhe për hakmarrje personale.

CNA po sjell disa nga rastet kur Aldor Nini i “Acromax”-it ka sulmuar mediat për interesat e tij personale, duke abuzuar me të drejtat që i japin televizionet kombëtare apo edhe mediat e tjera, të cilat i përdor kur do ai, sipas interesit të tij, për çështjet e tij personale dhe në shumicën e rasteve dhe me fakte të provuara dëmton klientët e tij. (Lexo këtu)

Aldor Nini i “Acromax”-it firmos kontrata për të mbrojtur të drejtën e autorit me “Top Channel”, me “TV Klan”, me “Vizion Plus”, apo me mediat informative si “News 24”, “Report TV” dhe portale të ndryshme.

Aldor Nini keqpërdor klientët e “Acromax” për
Aldor Nini në Prokurorinë e Tiranës, burimi LSA

Me kontratat që ka firmosur me klientët e tij, “Acromax” dhe Aldor Nini duhet të raportojnë shkeljet dhe abuzimet që u bëhen këtyre mediave në rrjetet sociale, në “YouTube”, “Facebook”, “Instagram”, etj., duke u vjedhur prodhime ekskluzive apo materiale për të cilat mbajnë të drejtën e autorit. 

Aldor Nini i “Acromax”-it i shkel këto kontrata, abuzon me besimin e klientëve, i keqpërdor ato.

CNA do të tregojë ditë pas dite rastet kur për shumë vite Aldor Nini nuk ka raportuar materiale të publikuara në disa portale apo media, duke shkelur kontratën, duke abuzuar me klientët. Më pas i ka raportuar kur ka pasur hallet e tij personale në disa skandale historish rozë që shkojnë deri në përndjekje.

Aldor Nini i ka keqpërdorur kontratat me klientët.

Së pari duke mos raportuar abuzimet që ju bëhen dhe së dyti këto raportime të munguara shumëvjeçare i bën kur i plasin skandalet që fillojnë me historitë e tij rozë, me historitë e përndjekjes, dhunimit, apo deri në incidente të pështira që godasin edhe fëmijë, duke inskenuar shkrime dhe sulme në mediat që ai u menaxhon rrjetet sociale për vajzën e tij dhe ky është keqpërdorimi i tretë. (Lexo këtu)

Herën e parë nuk i raporton shkeljet që u bëhen klientëve të tyre, herën e dytë i raporton kur ka interesat e tij dhe herën e tretë publikon shkrime deri kundër familjarëve të tij, apo shkrime të pavërteta për vajzën e tij. (Lexo këtu)

Aldor Nini keqpërdor klientët e “Acromax” për

Këto janë 3 rastet e keqpërdorimit. Më poshtë do sjellim rastin e parë flagrant.

Lexuesit le ta gjykojnë vetë, ashtu si dhe klientët e “Acromax”-it të Aldor Ninit, përndjekësit serial të grave, njeriut të cilit vetë ata që u shërben duhet t’i kërkojnë ndoshta vizitë te psikologu, apo ta pyesin nëse ka nevojë ndoshta të kurohet apo është kuruar nga ndonjë problematikë e shëndetit mendor?

Rasti i “Newsbomb”-it

E shprehur me pak fjalë, rasti i sulmit ndaj portalit të gazetares Anila Basha është një histori pasioni, përndjekjeje, dhunim i fjalës së lirë, që vjen për shkak se mbesa e gazetares S. B. e braktisi Aldor Ninin, kërkoi ndarjen e tij. Çfarë mund të bënte një vajzë e re, ajo kërkoi njeriun e jetës së saj për arsye krejt personale, por Aldor Nini kishte në dorë një armë, të sulmonte “Newsbomb”-in, që në fakt kishte raportuar se njeriu që drejtonte “Acromax”-in po e përndiqte vajzën, rast i cili u hetua dhe Aldor Nini u arrestua. (Lexo këtu)

Gjatë kohës që Aldor Nini i “Acromax”-it ishte në lidhje me shtetasen S. B. “Newsbomb” nuk u raportua kurrë, ndërkohë klientët e kishin paguar Aldor Ninin për të mbrojtur interesat e tyre, por Aldor Nini nuk e raportonte “Newsbomb”-in duke keqpërdorur besimin e tyre, thjesht dhe vetëm sepse ishte në lidhje me mbesën e gazetares. Ditën që u ndanë, Aldor Nini filloi përndjekjen.

Rasti i dytë flagrant i keqpërdorimit të klientëve, i keqpërdorimit të mediave kryesore në vend, i cili është faktuar, është se ai raportoi pasi ndodhi ndarja. Gjatë kohës që ishte në lidhje, për vite me radhë nuk kishte bërë asnjë raportim, pra duke shkelur dy herë besimin e klientëve të tij.

Rasti i “Newsbomb” qe i pari. CNA do të sjellë të tjera fakte dhe detaje, se si Aldor Nini i “Acromax” keqpërdor besimin dhe abuzon për interesat e tij personale me klientët që kanë kontrata dhe që e paguajnë me miliona euro në vit Ninin e “Acromax”, i cili nuk u mbron interesat duke mos i raportuar shkeljet për të drejtat e autorit sepse ka histori rozë dhe interesat e marrëdhënieve personale. (Lexo këtu)

Aldor Nini keqpërdor klientët e “Acromax” për
Aldor Nini në Prokurorinë e Tiranës, burimi LSA

Më pas e keqpërdor së dyti besimin që i japin kompanitë duke e paguar me miliona euro dhe mosmbrojtjen e interesit të tyre dhe kthehen në luftë personale, në kohën kur do ai, për interesin e tij, a thua se është ai pronari i “Top Channel”, “TV Klan”, Vizion plus, Report TV”, etj. (Lexo këtu)

Shkeljet janë të përsëritura, klientët e Aldor Ninit dhe “Acromax” duhet ta kuptojnë se ato para që marrin janë puna dhe djersa e tyre, e cila abuzohet nga Aldor Nini i “Acromax”-it, që mbush xhepat me punën e mediave dhe i përdor ato për të fshehur skandalet e tij personale që fillojnë me histori rozë dhe shkojnë deri në përndjekje./ CNA





Lajmet e fundit nga