E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Elton Qyno, në mbrojtje të Salianjit/ “Drejtësia e re ka krijuar praktika groteske”

27 Shtator 2024, 14:39, Aktualitet CNA

Elton Qyno, në mbrojtje të Salianjit/ “Drejtësia e re ka

Gazetari Elton Qyno

Gazetari Elton Qyno ka dalë në mbrojtje të deputetit të PD-së, Ervin Salianji, i cili është dënuar me një vit burg nga Gjykata e Apelit.

Qyno e ka krahasuar rastin e Salianjit me atë të Marviol Bilos të përfshirë në ngjarjen në ish-Bllok, ku u vra një person dhe u plagosën dy të tjerë.

Ai ka shkruar në rrjetet sociale se Marviol Bilo nuk bëri asnjë ditë burg për vrasjen, ndërsa Salianji do të bëjë një vit burg për kallëzim të rremë.

Sipas tij, drejtësia e re dhe e reformuar ka krijuar praktika groteske të dënimit apo inicimit të dosjeve penale.

Deklarata e plotë:

Marviol Bilo me 1 të vrarë e 2 të plagosur rëndë, asnjë ditë në burg. Salianji denoncoi trafikantin, 1 vit burg. Bëjini llogaritë vetë tashmë.

Tallavaja e Drejtësisë së Re dhe të Reformuar krijoi praktika groteske të dënimit apo inicimit të dosjeve penale.

Nga drejtësia e re dje u dënua për kundravajtje penale “Kallëzim të rremë” me 1 vit burgim deputeti i PD, Ervin Salianji.

Ndërsa e njëjta Drejtësi dënoi me kusht, Marviol Bilon, ish-komandon e Zall-Herit, që vrau në masakrën 4 tetorit 2018 në ish-bllok, Fabian Gaxhaj, plagosi biznesmenin Ervis Martinaj dhe mikun e tij,Eljo Hato.

Me 1 të vrarë në vend, dy të plagosur rëndë dhe një Mbajtje pa lejë të armëve dhe municioneve, Bilo u dënua me 4.8 vite burgim por vuajtje e dënimit me burg u pezullua nga gjykata duke vendosur Bilon në shërbim prove për një periudhë 5 vjeçare.

Salianji, vetëm se dononcoi trafikantin e drogës Geron alias Agron Xhafaj, (për të cilin SPAK sot e kësaj dite ska hapur asnjë hetim pasuror në bazë të ligjit Antimafia), shkon sot në kokër të burgut për akuzën e “Kallëzimit të rremë”.

Për këtë akuzë edhe më alabaku kur ka dalë para gjykatës, ka marë dënimin me kusht. Ndërsa Salianji jo....

Ndaj që llogaritë me dy rastet bejini vetë tani.

Teoria pse po flet për krimin, pse po denoncon kriminelët apo çdo gjë të paligjshme, pse po nxjer sekretin për kriminelët, apo duke raportuar për krimin bëri krim, duhet të marë fund njëherë e mirë.

Kush sulmon denoncuesit, dihet që është mbrojtësi kryesor i intrigave kriminale./ CNA