web counter
LEXO PA REKLAMA!

SHKARKO APP

App Store
Google Play

E fundit!

x

Për herë të parë në Korçë vjen një event madhështor!

26 Shtator 2024, 21:35, Aktualitet CNA

Për herë të parë në Korçë vjen një

Korça e Serenatave hap dyert për dy netë rradhazi, 27- 28 shtator, për të gjithë korçarët dhe vizitorët që dashurojnë serenatat. Tradita e hershme e trashëguar brez pas brezi, me tingujt e ëmbel që krijohen nga telat e kitarave do ti sjellë Korçës atmosferën më të veçantë të krijuar si asnjëherë më parë.

Serenatat janë këngët e shpirtit që të falin emocione, janë ndjenjat e vetë njeriut që mbartin në vetvete dhimbje, gëzim, dashuri, hidhërim, pra gjithçka brenda një kënge. Përgjatë dy netëve rrugët e Korçës dhe zona e Pazarit të Vjetër të qytetit do të mbushet me performancat live të artistëve më të mirë që do të rikthejnë në jetë meloditë e vjetra të ruajtura me fanatizëm ndër vite.

CNA TV do të transmetojë live për shikuesit eventin më të bukur e më të veçantë që organizohet në Korçë. Shikuesit do të kenë mundësinë që nëpërmjet ekranit tonë të shijojnë serenatat korçare të kënduara nga artistët më të mirë të qytetit.

Mbrëmja e 27 shtatorit do të startojë në orën 18:00 me " Tingujt e Rrugicave" në ambientet e Muzeut Arkeologjik ku do të performojnë Harmonia Band, Jorgjeta Lalazi & Band dhe Cofiel Band. Më pas, festivali do të zhvendoset në Pazarin e Vjetër të Korçës me performancën fantastike të vëllezërve korçarë Endri dhe Stefi Prifti. E shtuna e datës 28 shtator do të bëjë bashkë 13 këngëtarë dhe Korin Lira të cilët prej orës 20:00 do të ngrejnë peshë qytetin në Pazarin e Vjetër me serenatat deri në orët e vona të natës.

Tingujt e kitarave, mandolinave, violinave do të kujtojnë për të vjetrit emocionet e thella që kanë ndjerë kur i këndonin vajzave poshtë ballkonit të shtëpisë, ndërsa për të rinjtë do të përcjellin historinë dhe traditën shumëvjeçare që vetëm Korça di ta ruajë e ta ketë./ CNA





Lajmet e fundit nga