web counter
LEXO PA REKLAMA!

SHKARKO APP

App Store
Google Play

E fundit!

x

Çfarë është çështja “Babale”, audio-përgjimi që “fundosi” Salianjin

26 Shtator 2024, 14:54, Aktualitet CNA

Çfarë është çështja “Babale”,

Deputeti Ervin Salianji, me vendim të formës së prerë nga Gjykata e Apelit u dënua me një vit burg për dosjen e quajtur “Babale”.

Gjykata e Apelit la në fuqi vendimin e Gjykatës së Faktit të dhënë më 18 dhjetor 2019.

Ervin Salianji u dënua me akuzën e kallëzimit të rremë për një dosje të shumëpërfolur dhe të shumëdebatuar.

Çfarë është dosja “Babale”?

Në pranverën e vitit 2018, deputeti i PD-së doli në një deklaratë për mediat dhe publikoi një audio-përgjim.

Salianji pretendonte se vëllai i ministrit të Brendshëm të asaj kohe, Fatmir Xhafaj, Agron Xhafaj, ishte i përfshirë në trafik droge.

Sipas audio-përgjimit, vëllai i Fatmir Xhafajt, Agron Xhafaj komunikonte me një ish-trafikant, Albert Veliun, me pseudonimin Babalja.

Çfarë është çështja “Babale”,
Ervin Salianji dhe Albert Veliu

Por, nga hetimet e Prokurorisë së Tiranës rezultoi se audiopërgjimi ishte një material i montuar.

Personi që në disa raste bën zërin e Agron Xhafajt (në rol), sipas hetimeve, ishte Fredi Alizoti.

Në dosjen hetimore thuhet se Albert Veliu u akomodua në selinë e PD-së në janar të vitit 2018 dhe stimuloi bisedën me Fredi Alizotin.

Intervista e Albert Veliut u regjistrua në një mjet përgjimi stilolpas, të cilin ia dorëzoi Ervin Salianjit.

Më pas, ky i fundit doli në një deklaratë për mediat dhe denoncoi Agron Xhafajn për lidhje me trafikimin e drogës.

Çfarë është çështja “Babale”,
Ervin Salianji

Vendimi i Gjykatës së Faktik

Më 18 dhjetor të 2019-ës, Gjykata e Shkallës së Parë të Tiranës dha vendimin për dosjen “Babale”.

Fredi Alizoti u dënua me 2 vite burgim, ndërsa Ervin Salianji u dënua me një vit burg për akuzën e kallëzimit të rremë.

Gjithashtu u dënua me 3 vite e 6 muaj burg Albert Veliu.

Salianji e kundërshtoi këtë vendim dhe e ankimoi në Gjykatën e Apelit. Për më shumë se dy vite, dosja u zvarrit dhe pas mungesave të shumta të avokatëve, sot u dha vendimi përfundimtar.

Ervin Salianji u dënua me një vit burg për kallëzim të rremë./ CNA





Lajmet e fundit nga