web counter
LEXO PA REKLAMA!

SHKARKO APP

App Store
Google Play

E fundit!

x

Sa kushton shtyrja e seancave gjyqësore në favor të një të dënuari VIP si Salianji?

28 Qershor 2024, 18:16, Aktualitet CNA
Sa kushton shtyrja e seancave gjyqësore në favor të një
Ervin Salianji

Dje, Gjykata e Apelit njoftoi shtyrjen e seancës së parashikuar për sot ndaj Ervin Salianjit i dënuar me 1 vit burg nga Gjykata e Shkallës së Parë.

Përmes një njoftimi për shtyp, Gjykata ditën e djeshme bëri të ditur se seanca nuk do të zhvillohej për shkak të mungesës së prokurorit të çështjes.

“Në vijim të komunikimeve mbi veprimtarinë e Gjykatës së Apelit të Juridiksionit të Përgjithshëm, ju njoftojmë se: Nesër më datë 28.06.2024, ora 10:00, është planifikuar seanca gjyqësore e çështjes penale ndaj të pandehurve Ervin Salianji, etj.

Ju komunikojmë se seanca nuk do të zhvillohet, për shkak se prokurori ka depozituar pranë sekretarisë së gjykatës kërkesë për shtyrje seance, duke parashtruar se për arsye objektive nuk mund të jetë i pranishëm. Për seancën e ardhshme do të njoftoheni”, thuhet në njoftimin e Gjykatës.

Çfarë halli objektiv ka pasur, (kësaj radhe prokurori), që ka kërkuar shtyrjen pa caktuar se sa shtyrje po kërkon?

Nuk mund të ketë asnjë arsye objektive që të justifikoje shtyrje pas shtyrje, vite të tëra. Numri i shtyrjeve tashmë nuk ja vlen më të llogaritet.

Kështu si ka nisur, numri i shtyrjeve nuk e ka të vështirë që ta kalojë numrin e votave personale që mbledh Salianji. Salianji shpesh më parë kishte sulmuar me radhë prokurorët që merrnin në dorë dosjen ku akuzohej ai vetë.

Kështu sulmoi prokurorin Gent Osmani, i cili të paktën deri në Korrik 2019 kishte në dorë çështjen ngarkuar grupit të të pandehurve për rastin "Banale".Prokurori i çeshtjes më pas shfaqet Përparim Kulluri i cili në Nëntor 2019 u shkarkua nga vetingu. Salianji sulmoi edhe prokurorin e shkarkuar si vegël e Edi Ramës, por vetëm pas një muaji

Prokurori i ri çështjes, Kol Hysenaj prezantoi çështjen në gjykatë duke kërkuar:

- 1 vit e 6 muaj pezullim nga funksionet politike dhe 3 vite shërbim prove për ish-deputetin e PD-së Ervin Salianji. Ish-deputeti i PD është paditur për audio-përgjimin për çështjen “Babalaja”, ku u fajësua për trafik droge vëllai i ish-ministrit të Brendshëm Xhafaj, Agron Xhafaj.

- dënimin me 3 vite e 6 muaj burg për Albert Veliun, i cili akuzohet për ‘Kallëzim i rremë’ dhe ‘kalim të paligjshëm të kufirit’

- për Fredi Alizotit, 3 vite burg;

- për gazetarin Jetmir Olldashin 1 vit burg, dënim ky që të zëvendësohet me 200 orë pune publike të detyruara.

Sipas Prokurorisë të tre të pandehurit kanë kryer kallëzim të rremë.

Gjykata e shkalles së parë dënoi të pandehurit dhe midis tyre edhe Ervin Salianji u dënua me 1 vit burg.

Çështja ngeci në Gjykatën e Apelit ku filloi rrotacioni i sëmundjeve të avokatëve me rradhë, pastaj të të pandehurve me rradhë dhe së fundmi në rrotacionin e shtyrjeve kanë hyrë në lojë edhe Gjykata edhe Prokuroria.

Ndryshe nga sa ndodhte dikur, Salianji nuk është dëgjuar më të akuzojë me emër prokurorin që mbron sot dosjen në apel. Mbase është për këtë shkak që sot nuk ka të dhëna se cili është prokurori që përfaqëson akuzën kundra Salianjit në Apel.

Gjithashtu nuk dihen ende çmimet e drejtësisë së re, për shkak se sistemi është ende duke u kolauduar. Ndaj nuk ka ende tabela se sa kushton sot psh. një shtyrje seance për hall të një të dënuari VIP si Salianji./ CNA





Lajmet e fundit nga