web counter
LEXO PA REKLAMA!

SHKARKO APP

App Store
Google Play

E fundit!

x

Dalin të dhënat e INSTAT-it/ Popullsia e Shqipërisë, rënie me 13.8%

28 Qershor 2024, 12:36, Aktualitet CNA
Dalin të dhënat e INSTAT-it/ Popullsia e Shqipërisë,
INSTAT

Këtë të premte janë publikuar të dhënat e INSTAT-it për Censin e popullsisë.

Drejtoresha e INSTAT, Elsa Dhuli, tha se Shqipëria ka rezultuar me 2,412,113 banorë, sipas matjeve të Censusit të 18 shtatorit 2023.

“Ky Cens, vlerësoi në territorin shqiptar në datë 18 shtator 2023, 2 412 113 banorë, të cilët përbëjnë 755 950 familje, me madhësi mesatare 3.2 anëtarë për familje, të cilët jetojnë në 1 082 529 banesa të zakonshme”, u shpreh ajo.

Sipas këtyre të dhënave, rezulton se popullsia e Shqipërisë ka një rënie me 13.8%, krahasuar me Censin e vitit 2011.

Dhuli theksoi se Censi ka siguruar të dhëna të vlefshme për të informuar politikëbërjen dhe për të hartuar strategji kombëtare.

“Censet kanë siguruar të dhëna të vlefshme për të informuar politikëbërjen dhe për të hartuar strategji kombëtare, për të udhëhequr zhvillimin mbi arsimin, punësimin, aftësinë e kufizuar, kushtet e banimit, karakteristikat etno-kulturore dhe për të ndihmuar në kuptimin e nevojave në ndryshimet popullsisë tonë.

Ky aktivitet ofron informacion thelbësor për matjen e objektivave të zhvillimit të qëndrueshëm, për të t’i integruar përmes statistikave zyrtare si një domosdoshmëri dhe një gjuhë e përbashkët për matjen e progresit të çdo vendi, në familjen e madhe evropiane.

Kryerja e Censit plotësoi një nga kushtet për hapjen e negociatave, rezultatet do të përdoren për të siguruar që statistikat të bëhen pjesë e planit statistikor evropian në të ardhmen.

Ky Cens në fakt u realizua përgjatë disa sfidave të ndodhura përgjatë 2019-2022, ku tërmeti dhe Covid-19 apo kriza e luftës, impaktuan faza të ndryshme të këtij aktiviteti”, tha drejtuesja e INSTAT./ CNA





Lajmet e fundit nga