web counter
LEXO PA REKLAMA!

SHKARKO APP

App Store
Google Play

E fundit!

x

Kreu i KLSH-së: Skandalin tek Onkologjiku ta hetojë SPAK-u, është shumë më i madh

27 Qershor 2024, 19:31, Aktualitet CNA
Kreu i KLSH-së: Skandalin tek Onkologjiku ta hetojë SPAK-u,
Kreu i KLSH-së, Arben Shehu. Burimi, LSA

Kreu i Kontrollit të Lartë të Shtetit, Arben Shehu, ka kërkuar që skandalin te Spitali i Onkologjikut ta hetojë SPAK-u dhe jo Prokuroria e Tiranës.

Shehu tha se ky rast është një kompetencë e prokurorisë speciale, teksa paralajmëroi se skandali është më i madh sesa është raportuar në media.

“Problematika për fat të keq është më e madhe, ne jemi të detyruar të ndërthurim përgjegjësitë jo vetëm të një institucioni. Për të nxjerrë në pah një tablo të plotë të situatës në këtë drejtim dhe dua t’ju theksoj që është shumë e rëndësishme, jemi të mendimit dhe kemi vlerësuar se kjo është një kompetencë e prokurorisë speciale, për shkak të përcaktimeve të ligjit dhe rëndësisë që ka problematika, që do e bëjmë publike në vijim”, u shpreh ai.

Në një dalje për mediat, kreu i KLSH-së deklaroi se nga auditimet e tyre janë konstatuar një sërë problematikash.

“Jemi në kushtet ku ne kemi konstatuar një sërë problematikash përgjatë auditimit sepse dua të theksoj këtu që janë kryer dhe po kryhen, pjesë e të cilave është edhe Spitali Onkologjik dhe njëkohësisht dua t’ju them me përgjegjësi të plotë se jemi në një lloj trajtimi të thelluar, procese të cilat janë të papërfunduara, njëkohësisht jemi në trajtim të thelluar juridik në ato raste të cilat janë të përfunduara dhe duhet t’ju bëj me dije se përfundimi i problematikave në Spitalin Onkologjik pavarësisht rëndësisë që ka është vetëm një pjesë e segmentit të situatës reale”, theksoi Shehu./ CNA





Lajmet e fundit nga