web counter
LEXO PA REKLAMA!

SHKARKO APP

App Store
Google Play

E fundit!

x

Skandali tek Onkologjiku/ Klodian Tomorri: Kjo është çështje për në Hagë dhe jo prokurorinë e klanit "Felaj"

27 Qershor 2024, 09:49, Aktualitet CNA
Skandali tek Onkologjiku/ Klodian Tomorri: Kjo është
Gazetari Klodian Tomorri

Gazetari Klodian Tomorri ka renditur disa pyetje në lidhje me skandalin tek Onkologjiku si dhe pajisjen me kobalt, e cila sipas raportimeve thuhet se ka 18 herë më shumë rrezatim dhe përbën një rrezik për të gjithë mjekët dhe pacientët.

Klodian Tomorri ka ngritur disa pyetje në lidhje me vendimin për importimin e kësaj pajisjeje në ç’vend është marrë, me çfarë forme është prokuruar, është blerë me para apo është dhënë falas.

Teksa rendit pyetjet, gazetari thekson se kjo është një çështje për Gjykatën e Hagës dhe jo për Prokurorinë e klanit "Felaj".

“Meqenëse prokuroria e Tiranës është tallur dhe nuk ka bërë hetim për skandalin e onkologjikut, ose nuk ka dashur të bëjë.

Meqënëse këta po nxjerrin lloj lloj palaçosh në televizione tani, që të zbusin skandalin e rrezatimit.

A mundet t’u sqarojë njeri qytetarëve të këtij vendi;

1-Kush e mori vendimin për të importuar këtë pajisjen e famshme?

2-Pse u zgjodh kjo dhe jo teknologjia që përdor bota sot?

3- Nga ç’vend është marrë?

4- Me çfarë formë është prokuruar?

5- Cili është enti prokurues? Qsut apo MSH?

6- Është blerë me para apo është dhënë falas nga vendi eksportues për shkak të problemeve që kanë patur ata me demontimin/ depozitimin e lëndës radiokative?

7-Sa vjet ka që nuk përdoret kjo teknologji në Europë? Pse nuk përdoret më?

8- Cili komision specialistësh ka dhënë miratimin/autorizimin për importin e pajisjes?

9- Cilat janë efektet e ekspozimit të njerëzve për një periudhë 3 vjeçare ndaj rrezatimit të saj?

Nëse këto që thonë mjekët, se rrezatimi i saj vret, janë të vërteta, atëherë juridikisht këtu jemi përpara përdorimit të armëve të shkatërrimit në masë dhe substancave të ndaluara nga ligji ndërkombëtar kundër popullsisë civile.

Në shekullin e 21-të këtë punë, ndaj popullsisë së tij e ka bërë vetëm Bashar Al Assadi. Ndaj kjo është një çështje që nuk mund ta hetojë klani i Felajve në prokurorinë e Tiranës. Kjo është çështje për gjykatën e Hagës”, shkruan gazetari./ CNA





Lajmet e fundit nga