web counter
LEXO PA REKLAMA!

SHKARKO APP

App Store
Google Play

Berisha: Edi Rama i hoqi pasaportën Veliajt që të mos e spiunonte më në qeveritë e vendeve të tjera

26 Qershor 2024, 20:40, Aktualitet CNA
Berisha: Edi Rama i hoqi pasaportën Veliajt që të mos e spiunonte
Kreu i PD-së, Sali Berisha

Kreu i PD-së, Sali Berisha ka deklaruar mbrëmjen e sotme në tubimin para banesës së tij që kryeministri Edi Rama i ka hequr pasaportën kryebashkiakut Erion Veliaj që të mos e spiunojë më në qeveritë e vendeve të tjera.

Berisha theksoi se heqja e pasaportës së Veliajt është akti më cinik dhe tallje për opozitën shqiptare.

Lideri i demokratëve nënvizoi se, Rama nuk mashtron dot shqiptarët me pasaportën e turpit të Erion Veliajt.

Ai u bëri thirrje qytetarëve që të bashkohen në protestën e ditës së premte para bashkisë për ta nxjerrë nga institucioni hajdutin dhe ta çojnë në shtyllën e turpit të historisë.

“E kuptoni ju, janë arratisur me mace e me minj ata që duhej të ishin brenda sepse pasi i njofton, Dumani thotë i njoftoi gjykata. Kurse heqja e pasaportës së Erion Veliajt është akti më cinik për opozitën shqiptare. Është një tallje e vërtetë për opozitën shqiptare.

Pasaportën e Erion Veliajt, mos harroni se e hoqi Edi Rama vetëm e vetëm që të mos spiunojë dot më në qeveritë dhe vendet e tjera. Hajduti duhet të nxirret të premten nga bashkia. Për zverku, drejt në shtyllën e turpit të historisë.
Ndaj dhe le t’i themi Edi Ramës se nuk mashtron dot shqiptarët me pasaportën e turpit të Erion Veliajt.

T’i themi Zamanit se Nuredini që i shite dosjen dhe që është një serial killer në çdo variant, del më njeri se ti, pazarexhi dosjesh, njeri pa dinjitet që do dështosh me qëllim me urdhër të partisë çdo operacion. Turpi të mbuloftë aty ku je!”, ka deklaruar Berisha./ CNA





Lajmet e fundit nga