web counter
LEXO PA REKLAMA!

SHKARKO APP

App Store
Google Play

Pazar me ilaçet tek Onkologjiku/ Gjykata lë në fuqi masat për mjekët dhe punonjësit e spitalit

27 Qershor 2024, 12:42, Aktualitet CNA

Pazar me ilaçet tek Onkologjiku/ Gjykata lë në fuqi masat

Gjykata e Tiranës ka lënë në fuqi masat për mjekët dhe infermierët e Spitalit të Onkologjikut, të cilët u shisnin medikamente të kimioterapisë farmacive dhe spitaleve private.

Masat për mjekët përkëtasisht janë:

- “Arrest në shtëpi” për shtetasin E. G., 44 vjeç, banues në Tiranë, për veprën penale "Shpërdorimi i detyrës”;

- "Arrest në shtëpi” për shtetasin F. M., 42 vjeç, banues në Tiranë, për veprat penale "Tregtimi dhe transportimi i mallrave që janë kontrabandë” dhe "Ruajtja ose depozitimi i mallrave që janë kontrabandë";

- "Detyrimi për t’u paraqitur në Policinë Gjyqësore", për shtetasin E. L., 36 vjeç, banues në Tiranë, për veprën penale "Shpërdorimi i detyrës";

- "Detyrimi për t’u paraqitur në Policinë Gjyqësore", për shtetasen A. Y. (P)., 53 vjeçe, banuese në Tiranë, për veprën penale "Shpërdorimi i detyrës";

- "Detyrimi për t’u paraqitur në Policinë Gjyqësore", për shtetasen B. Q., 52 vjeçe, banuese në Tiranë, për veprën penale "Shpërdorimi i detyrës";

- "Detyrimi për t’u paraqitur në Policinë Gjyqësore", për shtetasin H. G., banues në Tiranë, për veprën penale "Fshehja e të ardhurave";

- Për shtetasen D. K., për të cilën është caktuar masa e sigurisë "Detyrimi për t’u paraqitur në Policinë Gjyqësore", nuk është bërë ekzekutimi i vendimit penal, pasi ajo rezulton jashtë RSh-së.

Mjekët dhe punonjësit e Onkologjikut kanë shpërdoruar detyrat, duke mos u dhënë qytetarëve shërbimin e nevojshëm në spitalin shtetëror, por duke i orientuar ata në spitale private, për të marrë shërbimet që kërkonin.

Gjithashtu, në spitalin “Nënë Tereza” ka qenë i vendosur dhe burimi i kobaltit që shërbente për radioterapinë, i cili nuk vihej në punë dhe ishte jashtë standardeve, duke u kthyer në një burim rreziku për pacientët. Gjatë hetimit është bërë e mundur që ky burim të zhvendoset në vendin e përcaktuar./ CNA





Lajmet e fundit nga