web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Banorët jetojnë mes baltës dhe pluhurit 2 km larg qendrës së Tiranës, Veliaj nuk u përgjigjet

27 Qershor 2024, 10:47, Aktualitet CNA

Skandal/ Banorët jetojnë mes baltës dhe pluhurit 2 km larg

Gazetari Erjon Skëndaj ka qenë në një nga zonat e Tiranës, në Laprakë, ku nga aty denoncon se si banorët në rrugën "Beshku" në Laprakë jetojnë në kushte skandaloze, me rrugë të pashtruara, pluhur dhe baltë, po ashtu dhe pa ujë dhe kanalizime ndërkohë që paguajnë rregullisht taksat.

Banorët shprehen se i janë drejtuar disa herë me shkresa Bashkisë së Tiranës, por nuk kanë marrë përgjigje dhe gjendja vijon të jetë po njësoj.

Banorët i bëjnë thirrje Bashkisë Tiranë dhe Veliajt që të mos shkojë tek ata vetëm kur ka nevojë për votat, pasi as ato nuk po i justifikojnë.

Është skandaloze që në 2024, pas 9 vitesh që drejton Bashkinë e Tiranës, rrugët në zemër të kryeqytetit apo pak kilometra larg të jenë në këtë gjendje, të paasfaltuara, me gropa, pa kanalizime dhe ajo që është më ulëritëse pa ujë.

Pavarësisht se premtojnë në kohë elektorale ujë 24 orë, asnjëherë nuk e mbajnë premtimin pasi në shumë zona dhe lagje të Tiranës nuk ka ujë, as 2 orë e jo më 24 orë.

“Një banor ka bërë disa kërkesa edhe në emrin tonë dhe ai thotë janë shinat. Të kujt janë këto shinat. Shinat nuk janë në funksion. I bëj thirrje bashkisë të kthejnë kokën nga ne, sa mirë vijnë në kohë zgjedhjesh për votën. Nuk keni justifikuar votat që ju kemi dhënë. Të kthejnë kokën këtej nga ne se është skandali i botës”, denoncuan banorët./ CNA





Lajmet e fundit nga