web counter
LEXO PA REKLAMA!

SHKARKO APP

App Store
Google Play

E fundit!

x

Debati për skandalin tek Onkologjiku në Kuvend/ Balluku-opozitës: Reforma në drejtësi është bërë nga PS-ja

27 Qershor 2024, 12:30, Aktualitet CNA
Debati për skandalin tek Onkologjiku në Kuvend/ Balluku-opozitës:
Belinda Balluku

Debati për skandalin në spitalin e Onkologjikut është transferuar këtë të enjte në Kuvend. Deputetja Albana Vokshi kërkoi që 3 ministrat Albana Koçiu, Ogerta Manastirliu dhe Ulsi Manja duhet të shkarkohen ose të dorëhiqen, pasi ishin në dijeni të skandalit.

Fillimisht për këtë çështje përgjigjen opozitës ia dha zëvendëskryeministrja Belinda Balluku, e cila tha se PS ka mundësuar Reformën në Drejtësi, që do t'u japë ndëshkimin e merituar mjekëve dhe kujtdo që shkel ligjin.

“Reforma në Drejtësi është bërë nga PS-ja. Keni qenë aty për vite të tëra dhe s'e bëtë kurrë. Dhe nëse sot drejtësia është duke marrë të gjtha masat për të vënë në vend të drejtën e qytetarëve po bëhet për shkak të asaj reforme dhe për shkak të transparencës që ka krijuar PS-ja dhe qeveria Rama.

Kështu që këto historitë me ministra që duhet të largohen ju mund t'i kërkoni, por ministri duhet të vazhdojë punën pasi po e bën mirë madje dhe ndërkohë jemi ne që marrim masat dhe ministrja do t'ju informojë të gjithë juve se si po merren masat në Ministrinë e Shëndetësisë për të gjithë ata mjekë për të cilët jemi thellësisht të tronditur dhe të neveritur për gjithçka kanë bërë”, tha Balluku.

Më pas minstrja Albana Koçiu tha se për këtë rast është ngritur një hetim administrativ, ndërsa shtoi se do të kërkojnë ndryshimin e ligjit për Urdhin e Mjekut.

Fjala e ministres u prit me protestë nga deputetët opozitarë, të cilët kundërshtuan nga vendi deklaratën e Koçiut dhe kërkuan dorëheqjen e saj./ CNA





Lajmet e fundit nga