web counter
LEXO PA REKLAMA!

SHKARKO APP

App Store
Google Play

E fundit!

x

Mjeku Gashi iku me vrap/ Gjykata e Tiranës: Doli nga dera e punonjësve, policia nuk e shoqëroi

27 Qershor 2024, 16:00, Aktualitet CNA
Mjeku Gashi iku me vrap/ Gjykata e Tiranës: Doli nga dera e
Mjeku Edmond Gashi

Këtë të enjte u mbajt seanca për masat e sigurisë për mjekët dhe stafin e spitalit Onkologjik, të përfshirë në skandalin e ilaçeve të kimioterapisë.

Mjeku Edmond Gashi, pas përfundimit të seancës u kap nga kamerat duke ikur me vrap nga ambientet e gjykatës, i pashoqëruar nga forcat e policisë.

Mediat raportuan se mjeku ishte i pashoqëruar edhe në momentet e mbëritjes në gjykatë, por edhe në momentet e largimit.

Lidhur me këto raportime ka ardhur një reagim edhe nga Gjykata e Tiranës, e cila deklaron se Gashi duhet të ishte i shoqëruar nga punonjës të policisë së shtetit.

Në deklaratë përmendet edhe largimi i mjekut me vrap, i cili sipas Gjykatës së Tiranës, ka dalë nga dera e gjyqtarëve.

“Kështu, në datën 27.06.2024, për paraqitjen dhe pjesëmarrjen e tij në seancën e caktuar për “Komunikimin e masës së sigurimit personal të caktuar në mungesë nga Gjykata”, në zbatim të nenit 248 të K.Pr.Penale, personi nën hetim Edmond Gashi, do të duhej të ishte i shoqëruar nga punonjës të policisë së shtetit, të cilët në zbatim të vendimit të gjykatës si dhe në referim të nenit 237 të K.Pr.Penal, duhet të ndjekin dhe të zbatojnë me përpikmëri vendimet e gjykatës, si dhe zbatueshmërinë e masave të sigurimit.

Me përfundimin e seancës gjyqësore, pasi gjyqtarja ka lënë sallën e gjyqit, po kështu me rradhë pas saj edhe prokurori, avokatët, si dhe vetë personat nën hetim, shtetasi E. G., teksa ka qënë në korridorin e katit të parë të gjykatës, duke përfituar nga një moment i vetëm në të cilin një punonjëse e gjykatës ka qënë duke dalë në rrethana krejtësisht rastësore nga dera e cila shërben për hyrjet dhe daljet e autorizuara vetëm të gjyqtarëve dhe punonjësve të gjykatës (me karta të posaçme), ka dalë i shoqëruar edhe nga një shtetas tjetër, duke u larguar me vrap, i pa shoqëruar nga asnjë punonjës i policisë së shtetit”, thuhet në reagimin e Gjykatës./ CNA





Lajmet e fundit nga