E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

“Acromax” censuron CNA-në/ I bllokon faqen në “YouTube”, hapet kanali i ri “CNA MEDIA”

28 Qershor 2024, 10:54, Aktualitet CNA

CNA prej javësh është përballur me një sulm të paprecedentë nga Aldor Nini i “Acromax”, duke synuar bllokimin e rrjeteve tona sociale. Fillimisht nisi me bllokimin e materialeve në “Facebook” e “Instagram” dhe po ashtu ndoqi një fushatë të ashpër për raportimin e videove në “YouTube”. Këtë të premte jemi njoftuar se kanali ynë në “YouTube” është bllokuar, me pretendimet e së drejtës së autorit. CNA ka hapur një kanal të ri, të cilin e gjeni këtu: CNA MEDIA.

“Acromax” censuron CNA-në/ I bllokon faqen në

Njoftimi për bllokimin e videos së CNA-së në "YouTube"

Duhet të theksojmë se CNA në kanalin e saj të “YouTube” ka mbi 13 mijë video, me dhjetëra mijëra shikime nga qytetarët anembanë botës. Nga këto, 9 video ishin në “shkelje”, sipas Aldor Ninit. (Lexo këtu)

Numri i personave që ndjekin CNA-në në "YouTube"

9 videot e raportuara janë hetime, investigime, lajme të raportuara nga CNA për aferat e kryera në Bashkinë e Tiranës nga kryebashkiaku Erion Veliaj. CNA ka synuar vetëm publikimin e së vërtetës pa censurë dhe duket se kjo censurë ka frikësuar kryebashkiakun Veliaj dhe Aldor Ninin, i cili ka bllokuar këto video. (Lexo këtu)

Emaili për bllokimin e lajmit të Veliajt nga "Acromax"

Lajmet për Erion Veliajn të bllokuara nga "Acromax"

Por ne theksojmë se do të vijojmë me publikimin e të vërtetave pa censurë. Për këtë arsye CNA ka hapur një faqe të re në “YouTube”: “CNA MEDIA”

CNA në ditët në vijim do të publikojë sërish, të gjitha materialet denoncuese për kryebashkiakun Erion Veliaj, të cilat u bllokuan nga kompania censuruese “Acromax”, e Aldor Ninit. (Lexo këtu)

CNA thekson se nuk ndal fjalën e lirë dhe individë të caktuar nuk mund të përdorin kompanitë e tyre si kobure, duke gënjyer gjoja në emër të së drejtës së autorit. (Lexo këtu)

Aldor Nini në Prokurorinë e Tiranës, burimi LSA

Ne kemi parim përçimin e së vërtetës te qytetari i thjeshtë, nuk na ndal dot kurrë, jo vetëm Aldor Nini, por askush tjetër që tenton të censurojë median e lirë. E vërteta është një dhe vetëm një: Aldor Nini është një përndjekës i grave dhe censurues mediash, që nuk na bën dot të heshtim.

Aldor Nini i “Acromax”, sot mund të jetë gëzuar, por fjala e lirë fiton gjithmonë. Përndjekësi i grave e ka vendin para drejtësisë dhe koha do të jetë ajo që do ta thotë fjalën e fundit. (Lexo këtu)

Stafi i CNA-së falënderon të gjithë shikuesit anembanë botës, që pëlqyen, komentuan, shpërndanë videot tona në “YouTube”, ndërsa i ftojmë të na bashkohen në rrugëtimin tonë të ri, në kanalin e ri në “YouTube”: CNA MEDIA./ CNA