web counter
LEXO PA REKLAMA!

SHKARKO APP

Mjeku Edmond Gashi nuk pyet për ligjin/ Pas largimit me vrap nga gjykata, ikën në kafe

28 Qershor 2024, 09:01, Aktualitet CNA
Mjeku Edmond Gashi nuk pyet për ligjin/ Pas largimit me vrap nga gjykata,
Mjeku Edmond Gashi

Mjeku Edmond Gashi, i përfshirë në skandalin e Spitalit Onkologjik, theu dje masën e sigurisë “arrest në shtëpi”.

Ai shkoi në gjykatë i vetëm, i pashoqëruar nga policia dhe u largua me vrap nga dera e pasme, sërish pa shoqërimin e bluve.

Megjithatë, kjo duket se nuk është e vetmja shkelje e mjekut. Ai ka thyer masën e sigurisë duke shkuar edhe në një lokal, për të pirë kafe.

Këtë fakt e ka konfimuar edhe policia e Tiranës, e cila ka ngarkuar një tjetër vepër penale për mjekun dhe ka proceduar 22-vjeçarin E. S. për fshehjen e pamjeve filmike të lokalit.

“Specialistët për Hetimin e Krimeve të Komisariatit të Policisë Nr. 6 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për Edmond Gashi, 47 vjeç, banues në Tiranë, për veprën penale "Largimi i të burgosurit nga vendi i qëndrimit", dhe për shtetasin E. S., 22 vjeç, banues në Tiranë, për veprën penale "Veprime që pengojnë zbulimin e së vërtetës". Shtetasi E. G. ka thyer shkelur masën e sigurisë "Arrest në shtëpi", duke dalë jashtë banesës, ndërsa shtetasi E. S. ka fshehur DVR-në me pamjet filmike nga lokali ku ka qëndruar Edmond Gashi”, njofton policia./ CNA





Lajmet e fundit nga