web counter
LEXO PA REKLAMA!

SHKARKO APP

App Store
Google Play

E fundit!

x

A do të vazhdojë "xhungla" në Jug të vendit?

28 Qershor 2024, 17:54, Aktualitet CNA
A do të vazhdojë "xhungla" në Jug të vendit?
Foto ilustruese

Një javë më parë, CNA tregoi se si në lokale të ndryshme në Jug të vendit, vijonin aktivitetet muzikore pas orës 00:00 duke thyer rregullon e përcaktuar nga kryeministri i cili ka premtuar se pas orës 00:00 disko-clubet dhe zhurma e “çmendur” në Jug të vendit do të mbyllet.  Pra, nuk do të ketë ambiente të hapura.

CNA, një javë më parë konstatoi se pavarësisht masave të vendosura nga qeveria, aktivitetet vazhdojnë pas orës 00:00, dikush duke shfrytëzuar ndonjë leje speciale, dikush duke abuzuar.

CNA tregoi me video se si gjatë natës vazhdonin të ishin të hapura clubet duke lënë zgjuar pushuesit në Dhërmi, në Palasë në Jalë në Sarandë dhe më tej.

Sot jemi përballë faktit, jemi në fundjavë. A do të lejohet të vazhdojë xhungla në Jug të Shqipërisë si një event dhe Shqipëria të vazhdojë të ketë turizmin e një vend të çoroditur ku zhurmat dhe ndotja akustike janë në maksimum, apo do të ketë rregulla dhe do të lejohen në zona të caktuara, larg pushuesve, pa shqetësuar askënd, në ambiente të mbyllura apo në vende larg në distancë nga zonat e banimit.

Në fakt, CNA do të vazhdojë të monitorojë dhe sot dhe nesër për të treguar se si qëndron e vërteta e sjelljes sës lokaleve të natës dhe administratorëve të vendit jo vetëm në Jug të vendit por dhe në Durrës, Vlorë e  të tjerë ku shumë lokale nate vazhdojnë si të çmendur me zhurma të larta, me muzikë në kup të qiellit, të shqetësojnë pushuesit duke shkatërruar pushimet e tyre./ CNA





Lajmet e fundit nga