web counter
LEXO PA REKLAMA!

SHKARKO APP

App Store
Google Play

E fundit!

x

Veliaj u “arratis” para protestës/ Këlliçi: Rama ka urdhëruar t’i bllokohet pasaporta

28 Qershor 2024, 16:08, Aktualitet CNA

 

Veliaj u “arratis” para protestës/ Këlliçi: Rama ka
Belind Kelliçi

 

Ditën e sotme, CNA raportoi se kryebashkiaku Erion Veliaj është "arratisur" nga Shqipëria para protestës që u zhvillua para Bashkisë Tiranë.

CNA publikoi pamje të Veliajt në avion dhe raportoi se ai ishte nisur në orën 04:19 të mëngjesit të kësaj të premteje drejt Stambollit.

Drejtuesi politik i PD-së për Tiranën, Belind Këlliçi, është shprehur se ka një debat dhe një luftë të egër mes SPAK-ut, Erion Veliajt dhe Edi Ramës.

Këlliçi u shpreh gjatë protestës se Edi Rama ka dhënë urdhër të bllokohet pasaporta e Erion Veliajt, për të mos e spiunuar nëpër kancelaritë evropiane.

“Erion Veliaj, sot që ne flasim, në orën 4 të mëngjesit, e kanë parë qytetarët në avion duke u larguar nga Shqipëria.

Pse?! Sepse ka një debat dhe një luftë të egër në ditët e fundit, midis SPAK-ut, Erion Veliajt dhe Edi Ramës.

Nga njëra anë është Edi Rama që ka dhënë urdhër të bllokohet pasaporta e Erion Veliaj, për të mos e spiunuar Erion Veliaj, Edi Ramën, nëpër kancelaritë evropiane.

Nga ana tjetër është Arben Ahmetaj që i bën ftesë sot në Zvicër të shkojë dhe të bëhet “pentito” dhe të flasë njësoj si Arben Ahmetaj.

Ne nuk tërhiqemi!

Qoftë Erion Veliaj sot tek Arben Ahmetaj sot në Zvicër, a e zbaton apo jo Altin Dumani, urdhrin e Edi Ramës, për ne pak rëndësi ka. Për ne rëndësi ka që taksat e qytetarëve t’i mbrojmë çdo ditë.

Për ne rëndësi ka që Erion Veliaj të shkojë para drejtësisë!

Shiheni policinë. Shko kap Veliajn, o plehrë, mos u bjer qytetarëve! O ordiner! Mos i prek qytetarët! O bandit! O terrorist! Kamikaz i Erion Velisë, kamikaz i Taulant Ballës, kamikaz i Edi Ramës!

Godet protestuesit në vend që të kapësh Erion Velianë që ka vjedhur deri tani 130 milionë euro! Te nderuar qytetarë! Kjo është Policia e Shtetit. Shiheni fytyrën e Policisë së Shtetit!", tha Këlliçi./ CNA





Lajmet e fundit nga