web counter
LEXO PA REKLAMA!

SHKARKO APP

App Store
Google Play

E fundit!

x

Salianji, një vendim gjykate që i duhet politikës

1 Mars 2024, 13:25, Politikë CNA
Salianji, një vendim gjykate që i duhet politikës
Ervin Salianji

Në media është raportuar se ka dalë data e gjyqit të Ervin Salianjit në Gjykatën e Apelit të Tiranës. Në fakt, këtë gjyq ai e ka kërkuar vetë që të zhvillohet dhe në fakt një gjyq i shtyrë pafundësisht pa asnjë arsye.

Ervin Salianji, është deputeti i PD-së, shembulli më banal dhe më i pështirë i politikës se si mund të abuzohet me të. Kjo është arsyeja thelbësore pse Salianji duhet të marrë një vendim shembullor ndëshkues dhe të mbajë përgjegjësi, pasi mashtroi me çështjen "Babale", pasi mashtroi me audio-përgjimin, bëri një skandal që nuk ishte skandal. 

Ndërkohë që PD-ja kishte filluar dhe e denonconte ditë pas dite, deputetët, Gazment Bardhi, Enkelejd Alibeaj me fakte dhe me dokumente, del Salianji dhe publikon një audio-përgjim të manipuluar, thjesht dhe vetëm për protagonizëm politik.

Një mashtrim publik që mund t’i ketë kushtuar jo pak ish-ministrit Fatmir Xhafaj, vëllait i tij, mund të ketë qenë kushdo, ka mbajtur përgjegjësinë patjetër, por ajo që ka bërë Salianji është një mashtrim publik, është shembulli më i keq se si duhet të jetë një politikan dhe ky është Ervin Salianji, i cili duhet të ndëshkohet që të gjithë të tjerët, kur të mendojnë të bëjnë manipulime, mashtrime dhe skema politike, thjesht dhe vetëm për protagonizëm, ta kenë përballë fotografinë e Salianjit. 

Kjo për të kuptuar se shtrati i ngrohtë i GD-së, kudo qoftë dhe kushdo qoftë, nuk është mbi gjykatat, edhe pse në një ekran, edhe pse në politikë, edhe pse në karrierë, nëse përdor të tilla skema që nuk janë politike, nuk janë denoncime, por janë thjesht mashtrime dhe skema të provuara, duhet të mbash përgjegjësi para ligjit.

Salianji është shembulli i më i neveritshëm se si bëhet karriera në politikë, duke mashtruar çdo ditë, duke u lëpirë dhe servilosur çdo ditë.

Njeriu që qëndronte poshtë të brendshmeve të Lulzim Bashës, që mori shkopin në dorë dhe dhunoi demokratët, njeriu që tani ka shpallur veten si udhëheqësi i madh i opozitës, deri te kandidat për kryeministër apo kryetar i saj, është thjesht dhe vetëm një sharlatan publik, politik, një individ, i cili nuk duhet të jetë në parlament, pasi e ndot atë parlament.

Salianji, një vendim gjykate që i duhet politikës
Lulzim Basha dhe Ervin Salianji

Sado i pistë që të jetë Parlamenti, Salianji thjesht dhe vetëm i shton aromën e keqe me karrierën e tij të neveritshme politike, që është thjesht dhe vetëm një ndyrësi me skenar dhe skema, me servilizma deri në pështirosje, me mashtrime dhe viktimizime të pavlera, që në fakt janë karriera e Salianjit, i cili duhet të marrë një dënim shembullor nga drejtësia./CNA 





Lajmet e fundit nga