web counter
LEXO PA REKLAMA!

SHKARKO APP

App Store
Google Play

Salianji i “fërkohet” Bollinos/ Shpreson tek Amnistia

24 Janar 2024, 18:44, Aktualitet CNA
Salianji i “fërkohet” Bollinos/ Shpreson tek Amnistia
Ervin Salianji

Ervin Salianji, i cili njihet ndryshe si “Babalja” kalon ylberin dhe ndërron lëkurën sa herë preken interesat e tij.

Këtë herë ka zgjedhur t’i "fërkohet" botuesit Carlo Bollino dhe kjo për një arsye të thjeshtë, projektligji për Amnistinë.

Salianji ka shkuar me qëllim në mediat e qeverisë për të thënë se bashkimi në PD nuk po ecën me hapat e duhur.

“Bashkimi nuk po ecën me hapat e duhura. Hapat janë të ngadalta për bashkimin. Shpresoj që ky proces të mos vonohet”.

Kështu është shprehur “Babalja” në mediat e qeverisë. Para pak ditësh, Salianji u shfaq në Top Channel.

Nga Top Channel ka "fluturuar" tek Carlo Bollino, ku tregon dhe shenjat e afrimit me kryeministrin Rama, me shpresën që të amnistohet.

Deklaratat e tij vijnë në një moment ku pritet që në Kuvend të votohet projektligji për Aministinë.

Një ditë më parë, Ferdinand Xhaferri ka dërguar në Kuvend amendamentin ku kërkon që kolegu i tij Ervin Salianji, ose “Babalja” të aministohet.

Salianji është dënuar me 1 vit burg për kallëzim të rremë për interes politik dhe sipas dokumentit që është dërguar nga Xhaferri në Kuvend kërkohet që çdo person që është dënuar me 2 vjet por që ende nuk është dhënë një vendim nga apeli, të falet.

Shfaqja e tij sa tek Top Channel te Bollino tregon afrimin dhe ortakërinë që Salianji shpreson të bëjë me Ramën, pasi nëse pranohet kërkesa për aministi, Babalja shpëton nga dënimi.

Kujtojmë këtu se në dhjetor të vitit 2019, Ervin Salianji është dënuar me një vit burg nga Gjykata e Tiranës për dosjen e njohur si “Babalja”. Ndaj Salianjit rëndon akuza e kallëzimit të rremë./ CNA





Lajmet e fundit nga