E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Rrëfehet ish-e dashura/ Si e përdori McGonigal ditëlindjen e saj për t’ia marrë paratë Agron Nezës

24 Janar 2024, 12:18, Aktualitet CNA

Rrëfehet ish-e dashura/ Si e përdori McGonigal ditëlindjen e saj

Ish-e dashura e Charles McGonigal, Allison Guerriero, ka treguar se si ish-zyrtari i FBI-së i mori paratë nga biznesmeni Agron Neza, në emër të qeverisë shqiptare.

Ajo tregoi se McGonigal bëri një udhëtim në Shqipëri gjatë marrëdhënies së tyre në vitin 2017.

Por për të marrë paratë, ish-e dashura e McGonigal ngriti dyshimet se ai kishte përdorur ditëlindjen e saj.

Në fillim të tetorit, Guerriero dhe ish-zyrtari i FBI-së do të dilnin për të festuar ditëlindjen e saj, por darka u anulua për shkak se drejtori aktual i FBI-së, Christopher Wray, shkoi papritur në Nju Jork dhe McGonigal duhej të merrte pjesë në takime.

McGonigal nga Duçka, te Neza dhe korrupsioni me qeverinë shqiptare
10 Janar, 15:19

Ajo tha se McGonigal i kishte kërkuar që festimet t’i linin për një ditë tjetër.

“Ne dolëm me pesë, gjashtë ose shtatë tetor”, deklaroi ajo në një intervistë për “Daily Mail”.

Këto data përkojnë me kohën kur McGonigal mori 80 mijë dollarë nga Agron Neza.

Sipas prokurorëve amerikanë, Neza ia dha ish-zyrtarit të FBI-së paratë në një makinë të parkuar jashtë një restoranti në Nju Jork.

Por Guerriero thotë se nuk e mban mend se çfarë ka ndodhur gjatë kohës kur ata ishin jashtë.

Disa javë më vonë, ajo tregon se në shtëpinë ku ata bashkëjetonin gjeti qese të zezë me shkrime ari, brenda së cilës ishin 80 mijë dollarë, në kartëmonedha 100 dollarëshe.

“Business Insider” nxjerr të fshehtat e McGonigal/ Dëshmia e ish të dashurës: Solli një çantë me para
27 Janar, 22:02

“Mendja më shkoi se mos ishin pagesa për ndonjë informator të fshehtë apo ndonjë agjent të fshehtë që operon në terren. Paratë ishin në një qese të zezë me shkronja ari, të llojit që merren në dyqan pijesh alkoolike. Qesja nuk ishte e fshehur, ishte pranë derës kryesore”, tha ajo.

Guerriero theksoi se kur e kishte pyetur ish-zyrtarin e FBI-së për paratë, ai kishte pretenduar se i kishte fituar në një bast për një lojë bejsbolli.

Këto deklarata të saj hedhin më shumë dritë mbi korrupsionin e McGonigal për llogari të qeverisë shqiptare, dosje për të cilën prokurorët amerikanë kanë kërkuar 30 muaj burg dhe një gjobë prej 95 mijë dollarësh./ CNA