LEXO PA REKLAMA!

SHKARKO APP

“WP” zbardh skemën e bashkëpunimit McGonigal-Agron Neza, në koordinim që nga 2017

22 Shtator 2023, 14:53, Aktualitet CNA
“WP” zbardh skemën e bashkëpunimit McGonigal-Agron Neza,
Charles McGonigal

Media gjigante "Washington Post" në një artikull bën me dije se në aktakuzën e dytë të ngritur në Uashington, mbi ish-agjentin e FBI-së, Charles McGonigal, rëndon akuza për fshehjen e 225 mijë dollarëve që dyshohet se i ka marrë nga personi A, i përshkruar në dokumentet e akuzës si një burrë nga Nju Xhersi i punësuar dekada më parë nga një agjenci e inteligjencës shqiptare, dhe që "The Post" ka raportuar se është Agron Neza.

Sipas të dhënave nga "Washington Post", McGonigal ka vepruar për të çuar përpara interesat e personit A (Agron Nezës) që nga muaji gusht i vitit 2017 dhe e ka vazhduar këtë mision edhe pas daljes së tij në pension, por që nuk ka zbuluar marrëdhënien e vazhdueshme me kryeministrin e Shqipërisë Edi Rama.

Një aktakuzë e dytë, e ngritur në Uashington, akuzon McGonigal për fshehjen e pagesave prej 225,000 dollarësh që ai dyshohet se ka marrë nga 'Personi A', i përshkruar në dokumentet e akuzës si një burrë i Nju Xhersit i punësuar dekada më parë nga një agjenci e inteligjencës shqiptare, dhe që 'The Post' ka raportuar se është Agron Neza.

Aktakuza akuzon gjithashtu McGonigal se ka vepruar për të çuar përpara interesat e 'Personit A' që të paktën nga gushti 2017 dhe ka vazhduar pas daljes në pension të tij nga FBI, ndërkohë që nuk ka zbuluar marrëdhënien, si dhe një marrëdhënie të vazhdueshme me kryeministrin e Shqipërisë Edi Rama.

Sipas aktakuzës, McGonigal mori 225,000 dollarë nga 'personi A' në fund të vitit 2017”, shkruhet në artikull.

 

Bashkëpunimet mes McGonigal dhe Agron Nezës

Më tej në artikull theksohet se muaj më vonë, FBI me nxitjen e McGonigal hapi një hetim ndaj një lobisti amerikan për partinë kryesore politike opozitare të Ramës në Shqipëri, një hetim që përdorte Personi A si burim informacioni, pretenduan prokurorët.

Në një udhëtim të veçantë në Austri në vitin 2017, McGonigal dhe një prokuror i Departamentit të Drejtësisë intervistuan një politikan shqiptar, të cilit McGonigal i ishte prezantuar nga Personi A, dhe i cili donte që dikush të hetonte një kërcënim me vdekje, të akuzuar në aktakuzë.

Një vit më pas, McGonigal dyshohet se i kërkoi ndërlidhësit të FBI-së me Kombet e Bashkuara të organizonte një takim me ambasadoren e atëhershme të SHBA, Nikki Haley, ose një zyrtar tjetër të lartë, si dhe një ish-ministër boshnjak të Mbrojtjes dhe themelues të një kompanie farmaceutike boshnjake, shkruan "Washington Post".

Në aktakuzë thuhet se takimi ishte organizuar nga Personi A, dhe në atë kohë McGonigal sugjeroi që kompania farmaceutike t'i paguante gjysmë milioni dollarë një kompanie të regjistruar te Personi A për organizimin e takimit.

Dëshmia e McGonigal

Një nga zyrtarët më të lartë të FBI-së që është akuzuar ndonjëherë për një krim, McGonigal, udhëhoqi hetime të mëdha të inteligjencës, duke përfshirë publikimin e kabllogrameve të klasifikuara të Departamentit të Shtetit në vitin 2010 në WikiLeaks dhe kërkimin e një spiuni të dyshuar për Kinën brenda CIA-s.

Ai kishte akses në një sasi të jashtëzakonshme informacioni të ndjeshëm, duke përfshirë hetimet e spiunëve të huaj ose shtetasve amerikanë të dyshuar se punonin në emër të qeverive të huaja, dhe të huajve që FBI dhe CIA po rekrutonin për të spiunuar për Shtetet e Bashkuara.

Në seancën gjyqësore në New York, McGonigal pranoi fajin dhe tha: “Jam thellësisht i penduar. I kuptoj veprimet e mia”.

"Unë paraqitem para jush në këtë gjykatë për të marrë përgjegjësinë e plotë pasi veprimet e mia nuk synonin kurrë të dëmtonin Shtetet e Bashkuara, FBI-në, familjen dhe miqtë e mi", thoshte më tej në deklaratën e tij McGonigal./ CNA

Lajmet e fundit nga