web counter
LEXO PA REKLAMA!

SHKARKO APP

App Store
Google Play

Deklarata e ambasadës së SHBA-së për përplasjet brenda PD-së/ Berisha: E përshëndes

22 Shtator 2023, 14:30, Aktualitet CNA

Deklarata e ambasadës së SHBA-së për përplasjet brenda

Ish-kryeministri Sali Berisha ka reaguar pas deklaratës së ambasadës së SHBA-së një ditë më parë, e cila shprehej se nuk ndërhynte në punët e partive politike dhe se nuk i përzgjedh ajo krerët e partive politike.

Gjatë fjalës së tij në konferencë, Berisha tha se e përshëndet këtë fakt pasi prej 32 vitesh është përpjekur që të zgjidhet me votën e njerëzve.

“Gjysma e mesazhit thotë se SHBA nuk ndërhyn në punët e brendshme të partive, është në të drejtën e tyre të zgjedhin.

Është pikërisht kjo që unë përshëndes.

Nëse ka një njeri që ka bërë në 32 vite përpjekje që të zgjedhin me votën e tyre njerëzit, ky është Sali Berisha.

Do të kthej një gjë shumë private dhe jo të zakonshme.

Idhulli, çdo njeri ka idhujt e vet, idhulli i jetës sime ka qenë Martin Luteri. Unë jam mysliman, sunit, krenar me besimin tim. Por duhet të jem i sinqertë me ju.

Kur unë kam gjetur tezat dhe shkrimet, ai më ka impresionuar në shkallën më të jashtëzakonshme. Dhe më ka ndikuar. Duhet ta lexoni atë. Këtë person.

Për mua, unë nuk jam i krishterë, por ai në fund të fundit ishte shenjtori i antikorrupsionit dhe i ka shërbyer njerëzimit me ato teza ndoshta sa pakkush tjetër.

Por ka një problem tjetër ai, kur vjen puna në raport me ndërgjegjen e tij. Qëndron aq besnik te ndërgjegjja e tij, saqë frymëzon çdo njeri që lufton për të vërtetën.

Unë e thashë se idhull kam Martin Luterin. Kjo është përgjigjja për mesazhin”, është shprehur Berisha. / CNA





Lajmet e fundit nga