E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sfidat e medias/ Kryetarja e AMA-s drejton konferencën në Turqi

21 Shtator 2023, 18:48, Aktualitet CNA

Këtë të enjte është mbajtur forumi vjetor i enteve rregullatore të vendeve të Detit të Zi/BRAF.

Kryetarja e Autoritetit të Mediave Audiovizive, Armela Krasniqi, ka drejtuar Konferencën e zhvilluar në Turqi me temë “Dezinformimi dhe edukimi mediatik digjital".

Me anë të një statusi në rrjetet sociale, Krasniqi bën me dije se në këtë konferencë foli për rolin e AMA-s si ent rregullator në tregun mediatik audio e audioviziv shqiptar dhe për masat e ndërmarra në drejtim të edukimit mediatik të publikut.

Ajo përmend ndryshimet në ligjin për median dhe thotë se rritën rolin e televizioneve për edukimin mediatik të publikut.

Sfidat e medias/ Kryetarja e AMA-s drejton konferencën në Turqi

Kryetarja e AMA-s thekson se audienca duhet të ketë edukimin e nevojshëm në përdorimin e mediave online, të dinë të dallojnë dhe të përzgjedhin informacionin e saktë nga ai i rremë dhe të kenë aftësinë e duhur analitike e kritike në realitetet komplekse online.

“Në forumin vjetor të enteve rregullatore të vendeve të Detit të Zi/BRAF, ku diskutuam për sfidat e licencimit të medias në epokën digjitale, dezinformimin, edukimin mediatik të publikut, si zhvillim i aftësisë kritike të tij, për të kuptuar dhe për t’u përfshirë në mënyrë të përgjegjshme në media etj. Në Konferencën e zhvilluar në Turqi, ku pata nderin të moderoja panelin me temë, “Dezinformimi dhe edukimi mediatik digjital", organizuar nga Këshilli i Lartë i Radio-Televizionit Turk (RTÜK) - me pjesëmarrjen e drejtuesve të enteve rregullatore të Greqisë, Turqisë dhe Serbisë - përveç prezantimit të AMA-s dhe rolit si ent rregullator në tregun mediatik audio e audioviziv shqiptar, ndava me kolegët pjesëmarrës edhe masat e tjera të ndërmarra në drejtim të edukimit mediatik të publikut.

Sfidat e medias/ Kryetarja e AMA-s drejton konferencën në Turqi

Në maj të këtij viti, në përputhje me Direktivën 2018 të BE-së, ne bëmë ndryshimet e nevojshme në ligjin “Për median audiovizive në Republikën e Shqipërisë”, ndryshime që forcuan më tej kompetencat e AMA-s, duke rritur rolin e saj në inkurajimin e aktorëve dhe transmetuesve që operojnë në tregun shqiptar, për edukimin mediatik të publikut. Është e rëndësishme që qytetarët të kenë akses në informacion, por është njësoj e rëndësishme edhe që ata të kenë edukimin e nevojshëm në përdorimin e mediave online, të dinë të dallojnë dhe të përzgjedhin informacionin e saktë nga ai i rremë dhe të kenë aftësinë e duhur analitike e kritike në realitetet komplekse online”, nënvizon Krasniqi./ CNA

Sfidat e medias/ Kryetarja e AMA-s drejton konferencën në Turqi