web counter
LEXO PA REKLAMA!

SHKARKO APP

App Store
Google Play

E fundit!

x

Nga debati me përfaqësuesin e Rusisë te nënshkrimi i marrëveshjes me Zelenksin/ Rama ndan fotoalbumin: Dita më krenare e Shqipërisë

21 Shtator 2023, 08:38, Aktualitet CNA
Nga debati me përfaqësuesin e Rusisë te nënshkrimi i
Kryeministri Edi Rama

Kryeministri Edi Rama ka ndarë në rrjetet sociale fotoalbumin nga mbledhja e Këshillit të Sigurimit, ku ishte në rolin e Presidentit të Këshillit të Sigurimit.

Për numrin një të qeverisë ishte dita më krenare e Shqipërisë në historinë e marrëdhënieve ndërkombëtare.

“MIRËMËNGJES dhe me FotoALBUMIN e ditës më krenare të Shqipërisë në historinë e marrëdhënieve tona ndërkombëtare, ju uroj një ditë të mbarë”, shkruan Rama krahas fotoalbumit, ku prezente ka qenë dhe bashkëshortja e kryeministrit Linda Rama.

Mbledhja e një dite më parë në Këshillin e Sigurimit u shoqërua me debate mes përfaqësuesit të Rusisë dhe kryeministrit Edi Rama, një diskutim, i cili ka bërë jehonë edhe në mediat e huaja.

Përfaqësuesi i Rusisë u hodh menjëherë në sulm pasi Presidenti Zelenski mori fjalën në Këshillin e Sigurimit.

Nga ana tjetër Rama nuk u kursye duke thënë se nëse donte një zgjidhje për këtë duhet të ndalonin luftën në Ukrainë dhe Zelenski nuk do të merrte fjalën.

Kujtojmë se Rama në një takim të veçantë me Zelenskin nënshkroi dhe një marrëveshje ku mbështet integrimin e Ukrainës në NATO./ CNA





Lajmet e fundit nga