E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Merrnin para për lejet e ndërtimit/ SPAK kërkon 13 vite burg për ish-zyrtarët e Bashkisë Dimal, akuzat mbi ta

20 Shtator 2023, 14:37, Aktualitet CNA

Merrnin para për lejet e ndërtimit/ SPAK kërkon 13 vite burg

Të mërkurën, Prokuroria e Posaçme ka dhënë pretencën për dosjen e Bashkisë Dimal, ku kërkohet 13 vite burg për 3 ish-zyrtarë të bashkisë dhe 2 përfaqësues privatë.

Këta të fundit dyshohet se kanë abuzuar me lejet e ndërtimit, duke kërkuar ryshfet në shumat që varionin nga 2500 euro deri në 3 mijë euro.

Pretenca për të akuzuarit:

1-Arben Guraj, përgjegjës i Sektorit të Shërbimeve, bashkia Ura Vajgurore. SPAK kërkon 4 vjet burg për shpërdorim detyre. Me gjykim të shkurtuar dënimi ulet në 2 vjet e 8 muaj burg.
2-Altin Pali, Drejtor i Urbanistikës. Prokuroria e Posaçme kërkon 4 vjet burg për akuzat “Shpërdorim detyre”, “Ushtrimi i ndikimit të paligjshëm ndaj personave që ushtrojnë funksione publike”, “Korrupsioni pasiv i personave që ushtrojnë funksione publike”. Me gjykim të shkurtuar dënimi ulet në 2 vite.
3-Valentina Jançe, Shefe e Urbanistikës! Prokuroria e Posaçme kërkon 4 vjet burg për akuzat: “Shpërdorim detyre”, “Ushtrimi i ndikimit të paligjshëm ndaj personave që ushtrojnë funksione publike”, “Korrupsioni pasiv i personave që ushtrojnë funksione publike”. Me gjykim të shkurtuar dënimi ulet në 2 vite.

4-Vait Koshi, administrator i një shoqërie tregtare. Prokuroria e Posaçme kërkon 18 muaj burg për akuzat "Korrupsioni aktiv i personave që ushtrojnë funksione publike”. Me gjykim të shkurtuar dënimi ulet në 12 muaj.

5-Arjan Demiri, inxhinier i kompanisë. Prokuroria kërkon për të 1 vit burg për akuzën e “Ushtrimit të Ndikimit të Paligjshëm ndaj personave që ushtrojnë funksione publike”. Me gjykim të shkurtuar dënimi i ulet në 8 muaj

Si ranë ish-zyrtarët në prangat e policisë?

Kjo çështje, ka nisur në nëntor të vitit 2020 nga kallëzimi i një qytetari me inicialet P.B.

Në kallëzim qytetari akuzon punonjësit e Bashkisë së Dimalit se i kanë dëmtuar biznesin e ngritur në një pronë publike të cilën ai e posedonte që prej fillimit të viteve ‘90 me justifikimin se do të ndërtohej lulishte, por sipas tij pas prishjes prona i është kaluar një qytetari tjetër.

Gjithashtu në kallëzim thuhet se në atë vend ka nisur të ndërtohet një tjetër objekt privat që nuk është lulishte ashtu siç ishte njoftuar.

Punimet për lulishte nga ana e Bashkisë nuk kanë pasur si qëllim zgjerimin e hapësirave publike, por të favorizonin personin tjetër, me të cilin kallëzuesi pranon se ka pasur një konflikt pronësie. Pas gati 2 vitesh hetime për këtë çështje të martën e 14 shkurtit SPAK lëshoi 6 urdhër-arreste.

Nga hetimet e thelluara SPAK, përveç rastit të kallëzuar nga shtetasi P.B ka zbuluar edhe shumë episode të tjera të korrupsionit që kryenin zyrtarët e Bashkisë Dimal. Referuar burimeve nga struktura antikorrupsion mësohet se këta shtetas akuzohen se në këmbim të shumave monetare që varionin deri në 2-3 mijë euro lejonin qytetarë të ndryshëm për të kryer ndërtime dhe shtesa kryesisht në zonën e Dimalit.