web counter
LEXO PA REKLAMA!

SHKARKO APP

App Store
Google Play

I riu vjedh në sy të policisë biznesin në Tiranë/ Hap me kaçavidë derën

20 Shtator 2023, 12:55, Aktualitet CNA
I riu vjedh në sy të policisë biznesin në Tiranë/ Hap
Pamjet nga vjedhja e biznesit

Një vjedhje ka ndodhur afër mesnatës, thuajse në qendër të kryeqytetit, te "Rruga e Elbasanit", në një nga zonat më të frekuentuara, diku pranë asaj që quhet “Rruga e Salës”, ku ka me dhjetëra lokale, polici rendi, oficerë të policisë kriminale e të tjerë.

Është dyqani i “Krik Krak” te “Rruga e Elbasanit”, i cili është vjedhur dje.

Problemi nuk është te sasia e vjedhjes apo dëmit të shkaktuar, pasi nuk duket të jetë ndonjë gjë kaq e madhe, por te fakti se si mund të ndodhë në një orar ku policia është e gjitha në atë zonë.

Në një orar afër mesnatës, në një nga vendet më të frekuentuara të kryeqytetit, vidhet një dyqan, një biznes dhe policia nuk është asgjëkundi.

Ku janë fshehur policët? Ku janë agjentët e krimit, të cilët nuk janë në qendër të Tiranës? A thua se janë në periferi?

Me vjedhje të tilla në mes të Tiranës policia e kryeqytetit tregon se nuk është se nuk ekziston, diku është fshehur.

Agjentët e saj hanë e pinë për shtatë palë qejfe, ose pinë dhe marrin para nga ata që kanë "call center"-a, që shpërndajnë drogë apo dhe hajdutët e shefat e tyre, pasi nuk ka si të ndodhë ndryshe.

Nuk mund të ndodhë që një nga zonat e kryeqytetit, më të frekuentuara, të vidhet një dyqan në kohën kur duhet të ishte plot me policë dhe oficerë krimesh dhe një nga rrugët me më shumë lokale dhe me më shumë aktivitete, ku probabiliteti i drogës dhe krimit është mjaft i lartë dhe në sy të policëve ka ndodhur vjedhja, videot tregojnë hajdutin./ CNA

https://youtube.com/shorts/Zcuhr0Qc2qM?si=sSP-WDpg7iFxIdp4

 





Lajmet e fundit nga