web counter
LEXO PA REKLAMA!

SHKARKO APP

E fundit!

x

Sulmohet nga hakerat Gjykata e Hagës

19 Shtator 2023, 20:10, Aktualitet CNA

Sulmohet nga hakerat Gjykata e Hagës

Gjykata Ndërkombëtare Penale (ICC) është sulmuar nga hakerat.

Këtë lajm e konfirmoi vetë Gjykata e Hagës, e cila njoftoi sot se sistemi i saj kompjuterik ishte hakuar.

ICC tha se kishte zbuluar një aktivitet të pazakontë në rrjetin e saj kompjuterik në fund të javës së kaluar, ndërsa deklaroi se janë duke vijuar hetimet.

Zëdhënësi i këtij institucioni nuk pranoi t'i japë përgjigje pyetjeve se sa serioz ishte sulmi, nëse është zgjidhur plotësisht apo për personat që qëndrojnë pas tij.

Dokumentet shumë të ndjeshme në Hagw mund të përfshijnë çdo gjë nga provat penale deri te emrat e dëshmitarëve të mbrojtur, megjithëse gjykata nuk zbuloi se në cilën pjesë të sistemeve të saj kishin pasur akses hakerat.

Gjykata tha në deklaratën e saj se po vazhdonte "analizimin dhe zbutjen e ndikimit të këtij incidenti" me ndihmën e qeverisë holandeze. Ajo deklaroi se po ndërmerrte gjithashtu hapa për të forcuar sigurinë e saj kibernetike.

ICC është gjykata e përhershme e krimeve të luftës në qytetin holandez të Hagës, e themeluar në vitin 2002 për të gjykuar krimet e luftës dhe krimet kundër njerëzimit. Prokurorët në gjykatë aktualisht po kryejnë 17 hetime për situata në Ukrainë, Ugandë, Venezuelë, Afganistan, Kosovë dhe Filipine./ CNA





Lajmet e fundit nga