web counter
LEXO PA REKLAMA!

SHKARKO APP

App Store
Google Play

E fundit!

x

Ekstradimi i Dritan Goxhajt/ Manjani: Kompetencat për vendimin i ka ministri i Drejtësisë

19 Shtator 2023, 17:52, Aktualitet CNA
Ekstradimi i Dritan Goxhajt/ Manjani: Kompetencat për vendimin i ka
Ish-ministri i Drejtësisë, Ylli Manjani

Gjykata e Tiranës vendosi sot që ish-ushtari i UÇK-së, Dritan Goxhaj të ekstradohet drejt Hagës.

Por ish-ministri i Drejtësisë, Ylli Manjani thotë se ky vendim, sipas ligjit është në dorën e ministrit të Drejtësisë, Ulsi Manjës.

Ai deklaron në rrjetet sociale se nëse ministri dhe qeveria duhet të refuzojnë ekstradimin e Goxhajt, pasi duhet të mbrojnë atë si shtetas të saj.

“Ministri i Drejtësisë (dmth qeveria e Republikës së Shqipërisë) është autoriteti zyrtar që vendos nëse ekatradohet ose jo Dritan Goxhaj.

Pavarësisht çfarë vendos gjykata, Ministri (dmth qeveria) kanë të drejtë të mos lejojnë ekstradimin. Kështu thotë ligji. Këtë gjë parashikon edhe Konventa për marrëdhëniet extraterrioriale dhe të shkëmbimit të ndihmës ligjore.

Pra, qeveria e Republikës së Shqipërisë është krejt legjitime të mbrojë shtetasin e vet, kur çmon se nga ekstradimi do të vendoset në skrutinitet apo ndjekje penale të pajustifikuar.

Tani, se cilat janë rrethanat e përfshirjes së Dritan Goxhajt në hetimet e Hagës nuk i di, por nëse një shkrim në media e bën atë të hetueshëm, më duket absurde. Idiotësi me okë, nga ato që Prokurorët e Hagës e kanë bërë zakon ndaj shqiptarëve.

Kujtoj këtu përpjekjet absurse të Carla Del Pontes, apo të hetimeve që çuan në pafajsi të Ramush Haradinaj etj, gjykoj se përfshirja e Dritan Goxhajt duhet të jetë idiotësi.

Nëse është kështu, qeveria ka për detyrë ta dijë më mirë se ne, duhet refuzuar ekstradimi. Ministri i Drejtësisë ka autoritetin ta bëjë këtë gjë”, thekson Manjani./ CNA





Lajmet e fundit nga