web counter
LEXO PA REKLAMA!

SHKARKO APP

App Store
Google Play

Olaf Scholz: Rusia nuk ka justifikim, ka shkaktuar më shumë uri

20 Shtator 2023, 21:17, Aktualitet CNA
Olaf Scholz: Rusia nuk ka justifikim, ka shkaktuar më shumë uri
Kancelari gjerman, Olaf Scholz

Kancelari gjerman, Olaf Scholz, ka kritikuar fort Rusinë për luftënb në Ukrainë dhe ndalimin e marrëveshjes së eksportit të drithërave.

Scholz deklaroi se Rusia nuk ka asnjë justifikim për eksportin e drithërave, pasi ka shkaktuar më shumë uri dhe pasiguri ushqimore në mbarë botën.

Ai përmendi edhe kërkesën e Kombeve të Bashkuara për paqe dhe mungesën e një përgjigje nga Rusia.

“Rusia është tërhequr në mënyrë të njëanshme nga nisma e detit të zi, duke shkaktuar më shumë uri apo pasiguri ushqimore në mbarë botën. Nuk ka asnjë justifikim për këtë gjë. Çdo pretendim se sanksionet po pengojnë eksportin nga Rusia të fertilizantëve dhe të drithërave janë të rreme, nuk ka asnjë të dhënë që e vërteton këtë. Në të kundërtën, Rusia mbizotëron tregun e fertilizantëve në botë. 2022-shi ishte viti rekord i eksportit të tyre.

Në fakt, e vërteta që vuajnë, për Ukrainën është tronditëse. Rusia do që të vazhdojë me planet imperialiste për të pushtuar Ukrainën fqinje. Zoti kryetar, Kombet e Bashkuara janë shprehur qartë në lidhje me luftën e agresionit të Rusisë. Më në fund, më 23 shkurt të këtij viti Asambleja e Përgjithshme ka kërkuar paqe të gjatë, gjithëpërfshirëse dhe të drejtë. Ndërkohë këto thirrje mbeten pa përgjigje nga Rusia”, theksoi kancelari gjerman./ CNA





Lajmet e fundit nga