web counter
LEXO PA REKLAMA!

SHKARKO APP

App Store
Google Play

E fundit!

x

20 mijë euro shpërblim për të gjetur autorin e plagosjes së policit

21 Shtator 2023, 14:17, Aktualitet CNA

20 mijë euro shpërblim për të gjetur autorin e plagosjes

 

Policia e Shtetit jep 20 mijë euro shpërblim për këdo që jep informacion për vendndodhjen e Klered Bozhanjit, 42-vjeçarit që tentoi të vriste me armë zjarri efektivin në Tiranë. 

Policia njofton se janë kryer kontrolle në qytetet Tiranë, Elbasan, Durrës dhe Vlorë. 

Inspektori Edlir Alleshi,  pjesë e patrullës së forcave "Shqiponja” ka kaluar rrezikun për jetën pasi u plagos mbrëmë me armë zjarri. 

Njoftimi i policisë:

Gjatë natës së mbrëmshme dhe ditës së sotme, ka vijuar kërkimi intensiv për kapjen e autorit të ngjarjes së ndodhur në rrugën "Hysen Xhura", shtetasit Klered Bozhanaj, 42 vjeç, i cili tentoi të vriste me armë zjarri punonjësin e Policisë.

Shërbimet e Policisë kanë kontrolluar dhjetëra banesa në qytetet Tiranë, Elbasan, Durrës dhe Vlorë dhe do të vijojnë kontrollet intesive, deri në kapjen e tij.

DVP Tiranë falënderon qytetarët, për informacionet e dhëna deri tani, të cilat janë duke u verifikuar nga Policia. Policia kërkon vijimin e bashkëpunimit, duke ftuar qytetarët që të japin informacion për autorin e kësaj ngjarjeje dhe vendos shpërblim 20 000 euro, për çdo informacion të vlefshëm, që do të çojë në kapjen e tij.

Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.







Lajmet e fundit nga