web counter
LEXO PA REKLAMA!

SHKARKO APP

App Store
Google Play

Ekzekutimi i ish-policit me plumb në kokë/ Arrestohet në Belgjikë, kreu i “klanit Duka”

14 Shkurt 2023, 11:07, Kronika CNA

Ekzekutimi i ish-policit me plumb në kokë/ Arrestohet në

Leonard Duka, i njohur si kreu i “klanit Duka”, i dyshuar si autor i vrasjes së Sanatiago Malkos, është arrestuar në Belgjikë.

Policia njofton se është kapur nga Fast Belgjika, në një provincë të Brukselit, një shtetas shumë i kërkuar ndërkombëtarisht, për krime kundër personit dhe për armëmbajtje pa leje.

“Në vijim të punës për grumbullimin e informacioneve, me qëllim lokalizimin dhe kapjen e shtetasve të shpallur në kërkim ndërkombëtar, falë inteligjencës informative të siguruar nga Fast Albania, për vendodhjen e një të shumëkërkuari që fshihej në një banesë private, në një provincë të Brukselit, menjëherë kanë shkëmbyer informacion me Fast Belgjikën, të cilët në kuadër të operacionit policor të koduar 'Provinca', kapën dhe arrestuan me qëllim ekstradimin shtetasin e shumëkërkuar Leonrad  Duka, 37 vjeç, banues në Tiranë.

Shtetasi L. D. ishte i shpallur ne kërkim ndërkombëtar nga ZQK Interpol Tirana, pasi Gjykata e Posaçme Kundër Korrupsionit dhe Krimit te Organizuar i ka caktuar masën e sigurisë 'Arrest në burg', për kryerjen e veprave penale 'Vrasja me paramendim' dhe 'Mbajtja pa leje dhe prodhimi i armëve, armëve shpërthyese dhe municionit luftarak', të kryera në formën e grupit të strukturuar kriminal.

Ky shtetas dyshohet se është një nga autorët e vrasjes së shtetasit Santiago Malko të ndodhur në gusht të viti 2019, në rrugën 'Xhanfize Keko', Tiranë”, njofton Policia.

Ish-polici, Santiago Malko, me 27 gusht 2019 është qëlluar në makinën e tij me 4 plumba rreth orës 21:25 në Tiranë. Ngjarja ka ndodhur në rrugën “Xhanfize Keko”, në afërsi të zonës së Xhamllikut.

Autorët kanë qëlluar me breshëri mbi makinën, derisa 26-vjeçari ka humbur kontrollin dhe është përplasur te një lavazh.

Më pas autorët kanë dalë nga makina dhe e kanë qëlluar me një plumb në kokë që i ka marrë jetën./CNA.al





Lajmet e fundit nga