web counter
LEXO PA REKLAMA!

SHKARKO APP

App Store
Google Play

Kujt i përkasin 400 mijë € në tubin e aspirimit?/ Merret sërish në pyetje Havier Dodi

13 Shkurt 2023, 14:17, Kronika CNA

Kujt i përkasin 400 mijë € në tubin e aspirimit?/ Merret

Në prokurorinë e Tiranës ështe thirrur për t’u marrë në pyetje djali i Rozeta Dobit, Havier Dobi.

Ky i fundit, sipas burimeve do pyetet për shumën prej 400 mijë eurove, të cilat u gjetën në banesën e tij dhe të prindërve, raporton "Euronews".

Rozeta Dobi dhe djali i saj Havier Dobi akuzohen se grabitën një shumë rreth 120 mijë euro në banesën e Alda Klosi.

Vjedhja në banesën e ish-zyrtares së lartë ndodhi më 15 dhjetor të vitit 2022.

Pas raportimin në polici të vjedhjes dhe kontrolleve të kryera në banesën e nënë e bir, u gjetën rreth 405 mijë euro, 8500 dollarë dhe aksesorë floriri, të cilat dyshohet gjithashtu se janë vjedhur nga pastruesja Rozeta Dobi.

Ka qenë vetë Klosi ajo që ka bërë denoncimin në polici, teksa ka pretenduar se paratë ishin të një personi të afërt të saj i cili do të kurohej për një sëmundje të rëndë.

Vjedhja e banesës është kryer me çelësin që ka pasur pastruesja e shtëpisë, e cila ka shfrytëzuar momentin kur në banesë nuk ka pasur njeri. Ajo së bashku me të birin pasi kanë vjedhur shumën e parave kanë bërë rrëmujë në dhomën e gjumit për të humbur gjurmët.

E gjitha u bë me qëllimin e inskenimit të një skeme sikur banesa kishte rënë pre e grabitjes nga autorë të tjerë.

Ende nuk është arritur të provohet se kujt i përket shuma prej 405 mijë eurosh dhe 8500 dollarë, të cilat u gjetën në tubin e aspirimit në banesën e sanitares Dobi./CNA.al





Lajmet e fundit nga