web counter
LEXO PA REKLAMA!

SHKARKO APP

App Store
Google Play

E fundit!

x

Plas dhuna në Korçë e Pogradec/ Gratë bëjnë “kërdinë”, plagosje dhe rrahje

12 Shkurt 2023, 11:38, Kronika CNA
Plas dhuna në Korçë e Pogradec/ Gratë bëjnë
Foto ilustruese

Në Korçë dhe Pogradec ka plasur dhuna, ku të përfshira janë disa gra, por për vepra penale të ndryshme si plagosje e lehtë me dashje apo dhunë në familje.

Policia në Pogradec filloi procedim penal ndaj shtetases A.M 56 vjeç, pasi pas një konflikti për motive të dobëta ka plagosur me sende të forta një shtetase tjetër.

“Specialistët e Seksionit për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi penal në gjendje të lirë për shtetasen A. M., 56 vjeçe, banuese në fshatin Velçan, Pogradec, për veprën penale 'Plagosja e lehtë me dashje', pasi në fshatin Velçan, gjatë një konflikti për motive të dobëta, dyshohet se ka goditur me send të fortë një shtetase tjetër”, njofton policia.

Ndërsa në Maliq, një çift ka dhunuar kunatën për të cilën u plotësua kërkesë-padia për lëshimin e urdhrit të mbrojtjes së menjëhershme.

“Specialistët për Hetimin e Krimeve të Komisariatit të Policisë Maliq referuan materialet në Prokurori dhe filloi procedimi penal në gjendje të lirë për shtetasin M. H., 32 vjeç dhe për bashkëjetuesen e tij, shtetasen A. V., 30 vjeçe, banues në fshatin Shqitas, Maliq, për veprën penale 'Dhuna në familje', pasi dyshohet se kanë ushtruar dhunë ndaj kunatës së tyre (nuses së vëllait të 32-vjeçarit) për të cilën u plotësua kërkesë-padia për lëshimin e urdhrit të mbrojtjes së menjëhershme”, thuhet në njoftimin nga uniformat blu./ CNA.al





Lajmet e fundit nga