web counter
LEXO PA REKLAMA!

SHKARKO APP

App Store
Google Play

Detaje nga të shtënat në Vlorë/ I plagosur një 40-vjeçar, kapet autori

9 Shkurt 2023, 16:54, Kronika CNA
Detaje nga të shtënat në Vlorë/ I plagosur një
Foto ilustruese

Disa të shtëna me armë janë regjistruar pasditen e sotme rreth orës 16:00, në lagjen “10 Korriku” të Vlorës.

Blutë kanë konfirmuar se nga të shtënat ka mbetur i plagosur shtetasi me iniciale D. P., 40 vjeç.

Sipas policisë, ai është qëlluar me armë nga shtetasi L. Z., 38 vjeç, pas një konflikti për motive të dobëta.

Vetëm pak minuta pas kësaj ngjarjeje, është vënë në pranga autori i plagosjes, në banesën e të cilit është gjetur dhe sekuestruar një armë gjahu.

“Rreth orës 16:00, në lagjen “10 Korriku”, shtetasi L. Z., 38 vjeç, dyshohet se pas një konflikti për motive të dobëta, ka plagosur me armë zjarri, shtetasin D. P., 40 vjeç, të dy banues në lagjen “10 Korriku”, Vlorë.

Shërbimet e Policisë, falë koordinimit në kohë me sallën e operative të DVP Vlorë, kanë bërë të mundur menjëherë kapjen dhe neutralizimin e autorit të dyshuar, shtetasit L. Z.

Ndërkohë, i plagosuri, shtetasi D. P., aktualisht po merr ndihmë mjekësore në spital dhe ndodhet jashtë rrezikut për jetën.

Nën drejtimin e Prokurorisë vijojnë veprimet për dokumentimin e plotë të rrethanave të ngjarjes”, thuhet në njoftimin e policisë./ B.A. – CNA.al





Lajmet e fundit nga