web counter
LEXO PA REKLAMA!

SHKARKO APP

App Store
Google Play

Nga Eldi Dizdari te nipi i deputetit/ Kush janë bosët shqiptarë që fshihen në Dubai

8 Shkurt 2023, 22:26, Kronika CNA

Nga Eldi Dizdari te nipi i deputetit/ Kush janë bosët shqiptarë

Dubai, duke mos pasur marrëveshje ekstradimi, është kthyer në vendstrehimin e bosëve të drogëve, të cilët e kryejnë aktivitetin e tyre nga atje.

Disa emra të bosëve shqiptarët që fshihen në Dubai janë publikuar mbrëmjen e sotme në emisionin e Klodiana Lalës.

Një nga to është Eldi Dizdari, një nga nga personat më të shumëkërkuar në Evropë për shkak të lidhjeve ndërkombëtare me trafikun e lëndëve të forta narkotike.

Eldi Dizdari, i njohur ndryshe si Denis Matoshi, akuzohet si pjesë e organizatës së njohur si Kompania ‘Bello’, që drejtohet nga Dritan Rexhepi.

Pas arratisjes nga Shqipëria, në vitin 2020, ai u arrestua në Dubai për llogari të autoriteteve italiane, por më pas u lirua nga burgu.

Autoritetet shqiptare e kërkojnë Dizdarin për masakrën e 4 tetorit 2018 në ish-Bllok, ku u vra Fabian Gaxha dhe u plagosën dy të tjerë.

Një tjetër person që strehohet në Dubai është Plarent Dervishaj, i cili mendohet se është zhvendosur në Emiratet Arabe që prej vitit 2021.

Dervishaj është në kërkim nga nga autoritetet shqiptare për vrasjen e biznesmenit Vajdin Lame, për vrasjen e Klodian Saliut, ngjarje këto të ndodhura brenda 24 orëve në vitin 2005.

Gjithashtu, ai kërkohet edhe për atentatin e 1 nëntorit 2019 në mbikalimin e Shkozetit, ku u vra shoferi Andi Maloku e u plagosën prokurori Arian Ndoji dhe miku i tij Aleksandër Laho, i njohur ndryshe si “Rrumi”.

Ramazan Rraja, nipi i deputetit socialist Rrahman Rraja, po ashtu thuhet se ka frekuentuar shpesh Dubain.

Ai është në kërkim nga drejtësia dhe akuzohet si pjesë e bandës kriminale të drejtuar nga Plarent Dervishaj. Gjithashtu ai ishte shpallur në kërkim policor për masakrën me 3 të vrarë te mbikalimi i Fushë-Krujës në 2022, ngjarje për të cilën u shoqëriua nga policia sapo u kthye nga Emiratet Arabe.

Edhe Endrit Dokle dyshohet se fshihet në Dubai. Ai rezulton të jetë regjistruar duke udhëtuar drejt Emirateve të Bashkuara Arabe.

Gjatë vitit 2022, Dokle është shoqëruar dy herë nga policia dhe ëhstë marrë në pyetje për masakrën e Fushë Krujës dhe për zhdukjen pa gjurmë të Ervis Martinajt.

Endrit Dokle u dënua në janar 2012 me burg përjetë për një listë të gjatë akuzash përfshi tre vrasje, 4 tentativa vrasje e rrëmbim personi dhe përfshirje në organizatë kriminale, por u lirua me kusht në 2020-ën.

Këto janë vetëm disa nga emrat e të fortëve dhe bosëve shqiptarë të drogës që kanë histori udhëtimi për në Dubai dhe dyshohet se e kanë zgjedhur këtë vend për tu strehuar./ B.A. – CNA.al





Lajmet e fundit nga