LEXO PA REKLAMA!

SHKARKO APP

App Store
Google Play

Shisnin fëmijën për 5 mijë euro/ Arrestohet çifti në Durrës

7 Shkurt 2023, 11:40, Kronika CNA

Shisnin fëmijën për 5 mijë euro/ Arrestohet çifti

Një denoncim i rëndë është publikuar ditën e djeshme në emisonin “Fiks Fare” ku një çift do të shiste fëmijën e tyre për 5 mijë euro.

Ndërkohë ditën e sotme pas publikim të rastit policia ka bërë të mundur arrestimin e çiftit në Durrës.

Bëhet fjalë për Shtetasin E.N 27 vjeç dhe bashkëshortja e tij shtatzane Xh.H.

Të dy shtetasit janë vënë në pranga pasi akuzohen për për veprën penale “Trafikimi i të miturve”, mbetur në tentative.

“Specialistët për Hetimin e Trafiqeve të Paligjshme, të DVP Durrës, arrestuan në flagrancë shtetasin E. N., 27 vjeç, banues në Durrës, si dhe referuan materialet në Prokurori, për shtetasen Xh. H., 25 vjeçe, për të cilën ka nisur procedimi penal në gjendje të lirë.

Mbrëmjen e djeshme, këta dy shtetas janë shfaqur në një video të transmetuar gjatë emisionit investigativ “Fiks Fare”, duke biseduar me një shtetas tjetër (i infiltruar nga stafi i këtij emisioni), për të shitur foshnjën që mbante në bark bashkëshortja shtatzënë (shtetasja Xh. H.), kundrejt shumës 5000 euro.

Materialet hetimore i kaluan Prokurorisë pranë Gjykatës së Rrethit Gjyqësor Durrës, për veprën penale “Trafikimi i të miturve”, mbetur në tentativë, dhe vijon puna hetimore për dokumentimin e plotë të këtij rasti.

Policia e Durrësit falënderon mediat që denoncojnë rastet e paligjshmërisë dhe i fton që të bashkëpunojnë me strukturat e Policisë, për vënien përpara përgjegjësisë ligjore të autorëve të rasteve të paligjshmërive që ata ndeshin gjatë punës së tyre.”/CNA.al

Lajmet e fundit nga