web counter
LEXO PA REKLAMA!

SHKARKO APP

App Store
Google Play

Shpërndanin kokainë dhe kanabis në ambientet e një lokali/ Arrestohen tre persona në Korçë, nën hetim një person

6 Shkurt 2023, 15:25, Kronika CNA
Shpërndanin kokainë dhe kanabis në ambientet e një lokali/
Foto ilustruese

Në vijim të punës për parandalimin dhe goditjen e aktivitetit kriminal të shpërndarjes së drogave të forta, specialistët për Hetimin e Trafiqeve të Paligjshme dhe Narkotikëve të DVP Korçë, nën drejtimin e Prokurorisë pranë Gjykatës së Rrethit Gjyqësor Korçë, finalizuan operacionin antidrogë të koduar “Rrjeti”, si rezultat i të cilit u bë kapja dhe arrestimi në flagrancë i shtetasve:

R. A., 46 vjeç, N. K., 27 vjeç dhe V. Sh., 27 vjeç, banues në Korçë. Gjithashtu, u referuan materialet në Prokurori dhe filloi procedimi në gjendje të lirë për shtetasin A. K., 22 vjeç, banues në Korçë.

Shërbimet e Policisë, gjatë kontrollit fizik ndaj shtetasit R. A., në lagjen nr. 18, Korçë, i kanë gjetur atij një sasi të vogël lënde të dyshuar narkotike kanabis, të cilën dyshohet se ia kishte blerë shtetasit V. Sh., në lokalin e shtetasit N. K. 

Në vijim të veprimeve, gjatë kontrollit të ushtruar në ambientet e këtij lokali, u gjetën sasi lënde të dyshuara narkotike kanabis dhe kokainë, të ndara në doza, të cilat u sekuestruan në cilësinë e provës materiale.

Gjithashtu, nga veprimet hetimore rezultoi se shtetasi A. K. ishte në dijeni të veprimtarisë kriminale që ushtrohej në këtë lokal, por nuk kishte kallëzuar krimin tek organet policore.  

Vijojnë veprimet hetimore për dokumentimin e plotë të veprimtarisë kriminale të këtyre shtetasve.





Lajmet e fundit nga