LEXO PA REKLAMA!

SHKARKO APP

Prokurorët belgë zbarkojnë në Shqipëri/ Vihen në kërkim të provave për vrasjen e Bledar Muçës

3 Shkurt 2023, 18:16, Kronika CNA
Prokurorët belgë zbarkojnë në Shqipëri/ Vihen në
Viktima Bledar Muça

Në Shqipëri kanë mbërritur prokurorë dhe oficerë nga Belgjika për të hetuar mbi vrasjen e Bledar Muçës, i konsideruar si njeriu i besuar i Florenc Çapjas.

Sipas mediave me titra, autoritetet belge kanë dërguar një letërporosi në Prokurorinë e Përgjithshme, ku kërkojnë autorizim për kontrollin e 3 banesave në Elbasan dhe pyetjen e disa personave.

Gjatë kontrolleve të banesave, janë gjetur prova që mund të ndihmojnë hetuesit belgë në zbardhjen e krimit që tronditi Belgjikën.

Një nga personat e marrë në pyetje është Shkëlzen Hasanpapa. Hetuesit besojnë se dëshmia e disa shqiptarëve do të ndihmonin në zbardhjen e shqiptarit në Belgjikë.

Kujtojmë se Bledar Muça u ekzekutua me armë zjarri mesnatën e 22 janarit të dy viteve më parë në qytetin Antwerp, në Belgjikë. Vrasja e tij ka mbetur ende e pazbardhur.

Bledar Muça është emër i njohur për drejtësinë shqiptare dhe rezulton i përfshirë në shumë ngjarje kriminale në qytetin e Elbasanit. Në këtë qytet ai njihet për lidhjet e ngushta me fisin Çapja, ndërsa konsiderohej si “krahu i djathtë” i Ardjan dhe Florenc Çapjas.

Në verën e vitit 2016 ai u arrestua dhe u dënua me dy vite burg pasi qëlloi me armë ndaj efektivëve të policisë teksa ishin në vëzhgim të familjes Çapja. Muça u filmua nga kamerat e sigurisë me armë në dorë duke qëlluar ndaj policisë./ B.A. - CNA.al  

Lajmet e fundit nga