Zbulohet identiteti/ Kush është efektivi që dyshohet si i implikuar në masakrën e Fushë-Krujës

1 Shkurt 2023, 20:37, Kronika CNA

Zbulohet identiteti/ Kush është efektivi që dyshohet si i

Foto ilustruese

Gazetarja Klodiana Lala, në emisionin e saj “Në Shënjestër” ka zbuluar detaje nga dosja hetimore për masakrën e Fushë-Krujës ku mbetën të vrarë Brilant Martinaj, Besmir Hoxha dhe Dikler Vata.

Në këtë ngjarje dyshohet se ka qenë i impiluar edhe efektivi me inicialet M.D, i cili sipas të dhënave ka ndihmuar autorët të largohen nga vend ii ngjarjes.

Sipas dosjes hetimore orën pas krimit të trefishtë në mbikalimin e Fushë-Krujës, një automjet me ngjyrë gri, u afrua pranë vendit ku autorët dogjën makinën me të cilën kryen ekzekutimin e Martinaj dhe dy shokëve të tij. Prej aty efektivi kreu largimin e tyre nga vendngjarja, më qëllim për t’i shpëtuar ndjekjes së policisë.

“Pas ekzekutimit të Brilant Martinaj, Besmir Hoxhës dhe Dikler Vatës, më 17 korrik 2022, ngjarje kjo e ndodhur në Mbikalimin e Fushë-Krujës, grupi hetues, ka marrë dhe administruar një numër të madh të kamerave të sigurisë të montuara në aksin Kamëz-Fushë Krujë-Laç. Nga këqyrja e këtyre kamerave si dhe nga informacionet e marra nga burime konfidenciale na rezulton se shtetasi M. D., është personi që ka ndihmuar të fshihen para dhe pas ngjarjes autorët e vrasjes së trefishtë”, thuhet në dosjen hetimore.

Efektivi M.D. thuhet se mund të ketë përdorur valët e policisë për t’i shpëtuar rrethimit të kolegëve të tij. Kjo shpjegon më së miri edhe faktin se si autorët mundën të largohen nga vendi i krimit, pa u diktuar nga policia.

“Nga verifikimi i bërë rezulton se shtetasi M.D përdor mjetin me targa AA00 … me ngjyrë gri. Nga ana e policisë gjyqësore nuk është bërë i mundur sigurimi i numrit apo numrave celularë të këtij personi, që përshkruhet si person i dyshuar, si bashkëpunëtor në këtë ngjarje të vrasjes së 3 personave”, thuhet më tej në dosjen hetimore.

Ky punonjës policie siç del nga dosja hetimore nuk ka shërbyer si suport për vrasësit vetëm pas ngjarjes, por edhe para saj, duke i strehuar ata.

Ai thuhet se i ka mbajtur autorët e vrasjes, në banesën e tij, edhe natën para krimit duke mos e mbyllur punën e tij këtu.Efektivi M.D. i ka ndihmuar autorët e dyshuar me largimin e tyre edhe të nesërmen pasi kryen atentatin e rëndë.