LEXO PA REKLAMA!

SHKARKO APP

App Store
Google Play

“Syri inteligjent”, nga Korça, Durrësi dhe Vlora/ “Fijet” çmontojnë kamerat

3 Shkurt 2023, 09:31, Kronika CNA

“Syri inteligjent”, nga Korça, Durrësi dhe Vlora/

Policia po vijon operacionin “Fijet” për çmontimin e kamerave.

Në Korçë janë çmontuar 6 kamera, duke e çuar më tej ne 54 numrin total të të sekuestruarave si dhe 20 persona janë vendosur nën hetim.

Në Vlorë janë çmontuar 10 të tilla duke shkuar në 26 kamera në total, dhe 4 persona janë vënë nën hetim. Gjithashtu dhe në Durrës janë sekuestruar 7 kamera, e ndërsa 3 shtetas janë nën hetim.

Njoftimi i plotë:

Vijon zbatimi i planit operacional policor, mbarëkombëtar, të koduar "Fijet", i iniciuar nga Drejtoria e Përgjithshme e Policisë së Shtetit.  

Policia ka çmontuar dhe sekuestruar disa kamera të tjera që ishin vendosur në kundërshtim me ligjin, në disa qarqe të vendit, si dhe janë iniciuar hetime të thelluara për disa shtetas, për veprën penale “Ndërhyrje të padrejta në jetën private”.  

Në qarkun Korçë, në vijim të fazës së pestë, Policia ka çmontuar dhe sekuestruar 6 kamera të vendosura në kundërshtim me ligjin. Në hetim për ndërhyrje të padrejta në jetën private, 6 shtetas. Deri tani, në këtë qark, janë çmontuar dhe sekuestruar në total 54 kamera dhe janë iniciuar hetime të thelluara për 20 shtetas.

Në qarkun Vlorë, në vijim të fazës së tretë, Policia ka sekuestruar 10 kamera të vendosura në kundërshtim me ligjin, në Vlorë dhe në Delvinë. Në hetim për ndërhyrje të padrejta në jetën private, 4 shtetas. Deri tani, në këtë qark, janë çmontuar në total 26 kamera.

Në qarkun Durrës, në vijim të fazës së katërt, Policia ka sekuestruar 7 kamera të vendosura në kundërshtim me ligjin. Në hetim për ndërhyrje të padrejta në jetën private, 3 shtetas.

Vijon puna hetimore, në bashkëpunim me prokuroritë respektive, për dokumentimin e plotë ligjor të qëllimit të përdorimit të kamerave të vendosura në kundërshtim me ligjin./CNA.al

Lajmet e fundit nga