web counter
LEXO PA REKLAMA!

SHKARKO APP

App Store
Google Play

Zbardhet aksidenti ku humbi jetën 18-vjeçari/ Arrestohet autori

3 Shkurt 2023, 10:09, Kronika CNA

Zbardhet aksidenti ku humbi jetën 18-vjeçari/ Arrestohet autori

18-vjeçari Enjon Saliaj, ka humbur jetën një natë më parë nga një aksident në zonën e Freskut, ndërsa udhëtonte me një motor elektrik.

Policia njofton se ka arrestuar autorin, një 19-vjeçar.

“Në vijim të punës për zbardhjen e rrethanave të aksidentit të ndodhur rreth orës 23:30 të mbrëmjes së djeshme, te Fresku, ku si pasojë e përplasjes së një automjeti me një motor elektrik, mbeti i dëmtuar shtetasi E. S., 18 vjeç (drejtuesi i motorit elektrik), i cili më pas humbi jetën në spital, specialistët e Komisariatit Rajonal të Policisë Rrugore Tiranë kanë kryer veprime hetimore për vënien përpara përgjegjësisë ligjore të drejtuesit të automjetit të përfshirë në këtë aksident.  

Nga veprimet hetimore ka rezultuar se në kohën që ka ndodhur aksidenti, automjeti nuk drejtohej nga pronari i tij, shtetasi F. A., por drejtohej nga shtetasi S. K., 19 vjeç, banues në Tiranë.  

Nga verfikimet ka rezultuar se shtetasi S. K. ishte i pajisur me lejen përkatëse të drejtimit dhe nuk ka qenë nën efektin e alkoolit në kohën që është përfshirë në aksident.

Automjeti dhe motori elektrik u sekuestruan në cilësinë e provës materiale. 

Në përfundim të veprimeve, shtetasi S. K., 19 vjeç, banues në Tiranë, u arrestua në flagrancë dhe materialet i kaluan Prokurorisë, për veprime të mëtejshme”, njofton Policia./CNA.al





Lajmet e fundit nga