web counter
LEXO PA REKLAMA!

SHKARKO APP

App Store
Google Play

E fundit!

x

Kontrabandë celularësh e pajisjesh të tjera/ Arrestohet pronari i një dyqani në Fier

4 Shkurt 2023, 12:41, Kronika CNA
Kontrabandë celularësh e pajisjesh të tjera/ Arrestohet pronari i
Foto ilustruese

Një 42-vjeçar është arrestuar nga Policia e Fierit, pasi akuzohet për tregtim të mallrave kontrabandë.

Mësohet se në pranga ka rënë G. K., i cili kishte hapur një dyqan në Fier të paregjistruar në mënyrë që t'u shmangej detyrimeve tatimore.

Gjatë kontrollit të policisë u sekuestruan 17 aparate celularësh, aksesorë si dhe pajisje të tjera elektronike. 

Policia njofton se, G.K, 42 vjeç, akuzohet për veprat penale: “Tregtimi dhe transportimi i mallrave që janë kontrabandë”, “Ushtrimi i aktivitetit pa liçensë”, “Fshehja e të ardhurave” dhe “Mospagimi i taksave dhe tatimeve”.

Njoftimi i Policisë:

Kontrabandë celularësh e pajisjesh të tjera/ Arrestohet pronari i

Fier/Finalizohet operacioni policor i koduar “Tregu”, sekuestrohen celularë dhe pajisje të tjera elektronike të kontrabanduara.

Vihet në pranga pronari i dyqanit ku u gjetën pajisjet e kontrabanduara, i cili duke mos e regjistruar këtë biznes, iu shmangej detyrimeve tatimore.

Në vijim të kontrolleve në subjekte të ndryshme tregtare në qark, për të parandaluar, evidentuar dhe goditur krimet ekonomike, specialistët për Hetimin e Krimeve Ekonomiko-Financiare të DVP Fier organizuan dhe finalizuan operacionin policor të koduar “Tregu”, si rezultat i të cilit u arrestua në flagrancë shtetasi:

-G. K., 42 vjeç, banues në Fier, për veprat penale “Tregtimi dhe transportimi i mallrave që janë kontrabandë”, “Ushtrimi i aktivitetit pa liçensë”, “Fshehja e të ardhurave” dhe “Mospagimi i taksave dhe tatimeve”.

Nga kontrolli i ushtruar në biznesin (servis celularësh) e 42-vjeçarit, shërbimet e Policisë gjetën dhe u sekuestruan, 17 aparate celulare, aksesorë celularësh dhe pajisje të tjera elektronike, për të cilat ky shtetas nuk dispononte fatura tatimore. Gjithashtu, u konstatua se shtetasi G. K. e ushtronte këtë aktivitet, i paregjistruar në organet tatimore./CNA.al





Lajmet e fundit nga