E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sarkazma e Gjergj Lucës me delegacionin e presidentit në OKB/ Rreshton "22 zyrtarët" që nuk morën pjesë

21 Shtator 2023, 13:11, Aktualitet CNA

Sarkazma e Gjergj Lucës me delegacionin e presidentit në OKB/ Rreshton

Gjergj Luca, sipermarres

Biznesmeni dhe sipërmarrësi Gjergj Luca njihet për ironinë e tij therëse dhe kritikat e ashpra që shpesh jep për politikën dhe politikanët në Shqipëri.

Duke marrë shkas nga lajmet që kanë qakulluar së fundmi rreth delegacionit shqiptar që ka udhëtuar në New York në OKB, ku pjesë e tij ishte dhe parukierja e bashkëshortes së Presidentit Bajram Begaj, Luca ka goditur mu në “plagë” dhe pikërisht pas kësaj ka vendosur të prezantojë “22” zyrtarët e delegacionit të shtetit më të ri në rruzullin tokësor siç e quan ai, “Fish City” që nuk shkuan dot në New York.

Sipërmarrësi ka prezantuar të gjithë ekipin që kujdeset për "shtetin" e tij Fish City dhe më pas janë nisur për në “misionin” e tyre për të ngrënë akullore.

Pikërisht në këtë moment Luca nuk kursen ironinë duke shigjetuar delegacionet që shpenzojnë shuma marramendëse.

Pasi "qeras" delegacionin e tij, u thotë se kanë kushtuar 250 mijë euro dhe shpenzimet duhet t’i paguajnë vetë ata.

Këtu ai nënkupton se të gjitha shpenzimet marramendëse të delegacionit shqiptar, i cili ka marrë me vete dhe parukieren e zonjës së parë, paguhen me paratë e qytetarëve shqiptarë, persona që nuk kanë aspak lidhje me misionin e presidentit dhe delegacionit në OKB.

Mesazhi dhe ironia e biznesmenit është shumë e qartë dhe këtë sipërmarrësi e përcjell në mënyrën më gjeniale.

“Gjithë shpenzimet e këtij delegacioni dhe misioni shkuan 220 mijë euro dhe u paguan nga taksat e qytetarëve të varfër të këtij vendi të pasur. Çdo paralelizëm i delegacionit të Gjergjit me delegacionin e Bajromit është rastësor..”, shkruhet krahas videomesazhit të Lucës.

Për më shumë ndiqni videon e cila është shteruese./ CNA