web counter
LEXO PA REKLAMA!

SHKARKO APP

App Store
Google Play

E fundit!

x

Tentoi t’i japë ryshfet policit për të kaluar kufirin/ Efektivi “i bën gjëmën” 31-vjeçarit

19 Shkurt 2023, 13:15, Kronika CNA

Tentoi t’i japë ryshfet policit për të kaluar kufirin/

Punonjësit e Policisë Kufitare kanë konstatuar një rast paligjshmërie në Kakavijë.

Mësohet se shërbimet e policisë i kanë kërkuar shtetasit A. Xh., pasaportën, me qëllim kryerjen e procedurës së regjistrimit.

Ai e ka dorëzuar pasaportën me një kartmonedhë 50 euro në brendësi të saj, me qëllim korruptimin e punonjësit të Policisë Kufitare, për ta lejuar këtë shtetas të kalojë kufirin, pasi kishte tejkaluar afatin e qëndrimit të ligjshëm në zonën Schengen.

Në vijim të veprimeve procedurale për këtë rast, specialistët për Hetimin e Krimeve Ekonomiko-Financiare të Drejtorisë Vendore të Policisë Gjirokastër referuan materialet në Prokurori dhe nisi procedimi në gjendje të lirë për shtetasin A. Xh., 31 vjeç, banues në fshatin Gali, Berat, për veprën penale "Korrupsioni aktiv i personave që ushtrojnë funksione publike".

Ndërkaq, materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme./ CNA.al





Lajmet e fundit nga