Tentoi të kalonte me dokumente të falsifikuara/ Arrestohet i riu turk në Rinas

17 Shkurt 2023, 13:28, Kronika CNA

Tentoi të kalonte me dokumente të falsifikuara/ Arrestohet i riu turk

Një 24-vjeçar turk është arrestuar nga Policia Kufitare, pasi tentoi të largohej nga Shqipëria me pasaportë të falsifikuar.

Policia njofton se pas kontrollit të detajuar të shetasit U.Y., është gjetur një pasaportë sllovake e falsifikuar, me foton e tij dhe me gjeneralitetet A. L., si dhe një biletë udhëtimi me të dhënat e shtetasit A. L.

Gjithashtu njoftohet se A.L., 27 vjeç, është shpallur në kërkim, pasi dyshohet se biletën që iu gjet shtetasit U. Y., e kishte marrë te njësia e check-in-it, me qëllim për ta ndihmuar që të kalonte kufirin në mënyrë të paligjshme.

"Kontrolle të detajuara nga Policia Kufitare, për parandalimin e kalimit të kufirit, me dokumente false.

Tentoi të dilte nga Shqipëria, me pasaportë të falsifikuar, kapet në flagrancë nga Policia Kufitare dhe vihet në pranga 24-vjeçari (shtetas turk).

Shpallet në kërkim një shtetas tjetër që tentoi të ndihmonte 24-vjeçarin, për të kaluar kufirin në mënyrë të paligjshme, duke e pajisur atë me pasaportë false dhe biletë udhëtimi.

Shërbimet e Policisë Kufitare Rinas, në vijim të kontrolleve të detajuara të dokumentacionit që paraqesin shtetasit që hyjnë dhe dalin në këtë pikë të kalimit kufitar, bazuar në dyshime të arsyeshme dhe në analizën e riskut, kanë kaluar në vijën e dytë, për kontroll më të detajuar, shtetasin turk U. Y.

Nga kontrolli i detajuar në vijën e dytë, këtij shtetasi i është gjetur një pasaportë sllovake e dyshuar e falsifikuar, me foton e tij dhe me gjeneralitetet A. L., si dhe një biletë udhëtimi me të dhënat e shtetasit A. L.

Nga veprimet hetimore dyshohet se biletën që iu gjet shtetasit U. Y., e kishte marrë te njësia e check-in-it, shtetasi A. L., me qëllim për ta ndihmuar shtetasin U. Y., që të kalonte kufirin në mënyrë të paligjshme.

Në vijim të veprimeve u bë arrestimi në flagrancë i shtetasit U. Y., 24 vjeç, dhe u shpall në kërkim shtetasi A. L., 27 vjeç.

Vijon puna për kapjen e shtetasit A. L. dhe dokumentimin e plotë të këtij rasti.

Materialet i kaluan Prokurorisë, për veprat penale 'Falsifikimi i letërnjoftimeve, i pasaportave ose i vizave' dhe 'Dhënia ndihmë për kalim të paligjshëm të kufijve'”, njofton policia./CNA.al