E fundit!

17:00 Aktualitet

SPAK dha pretencën për fraksionin e dosjes “Meta”/ Ish-presidenti reagon nga burgu

Ish-presidenti Ilir Meta ka ndarë qëndrimin e tij pas pret...

Martinaj do të paguante 500 mijë euro për vrasjen e Dokles/ GJKKO: SPAK ka hetuar, ja hijet e dyshimit

15 Shkurt 2023, 18:06, Kronika CNA

Martinaj do të paguante 500 mijë euro për vrasjen e Dokles/

Foto ilustruese

SPAK ditën e sotme ka sekurstruar 34 pasuri të Ervis Martinajt dhe familjarëve të tij, ku përfshihen kazino, tokë, apartamente, automjete dhe lloagri kursimi.

Sekuestrimi i pasurive vjen në kuadër të hetimeve të dosjes “Plumbi i Artë”, ku i penduari Nuredin Dumani ka deklaruar se Ervis Martinaj ishte i gatshëm të paguante 500 mijë euro për vrasjen e Indrit Dokle.

Në dosjen e siguruar nga mediat, në vendimin e Gjykatës për sekuestrimin e pasurive të Dumanit thuhet se SPAK ka hetuar dhe nga hetimet e kryera krijohet dyshimi se shtetasit Nuredin Dumani, Ervis Martinaj, Elvin Merlika, Alket Xhixha dhe Henrik Hoxhaj, kanë bashkëpunuar për të kryer vrasjen.

Kujtojmë se Nuredin Dumani shpjegoi se në emër të Ervisit kanë vajtur dhe e kanë takuar në Kosovë dy persona një i thirrur Eli dhe një tjetër që është vëllai i Besian Xhixhës. Ata kanë vajtur me një automjet tip Hummer. Gjatë takimit Eli ka komunikuar me Ervisin dhe më tej me telefonin e Elit ka komunikuar me Elvisin i cili i ka propozuar vrasjen e Indrit Dokle. SPAK ka arritur të vërtetojë se Eli është pikërisht shtetasi Elvin Merlika, kurse shtetasi që Nuredini e prezanton si vëllai i Besianit është pikërisht shtetasi Alket Xhixha. Alket Xhixha dhe Elvin Merlika kanë udhëtuar në drejtim të Kosovës me automjetin tip Hummer të cilin e identifikon Nuredin Dumani. Në vijim të komunikimeve Nuredini ka marrë një shumë prej 100 000 Euro nga Martinaj.

Këtë variant e ka konfirmuar edhe Henrik Hoxhaj. Sipas këtij të fundit “çmimi ishte mbi 500.000 Euro pasi sipas Nuredinit personi nga i cili kishte marrë porosinë i kishte thënë kërko sa të duash, para i kishte lënë dorë të lirë tek çmimi”. Pas deklaratës së Dumanit fillimisht hetimet u fokusuan në drejtim të identifikimit të vëllait të shtetasit Besian Xhixha, person i cili më parë kishte bashkëpunuar me Nuredinin në vrasjen e shtetasit Bujar Çela etj.

Në dosje thuhet se Nuredini dhe Hoxhaj pasi e kanë ndjekur për pak kohë Doklen kanë arritur në përfundimin se ky objektiv nuk ishte i lehtë dhe kjo porosi ngeli vetëm me fjalë dhe nuk u krye asnjë veprim.