E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Misteri i ngjarjes me 22 vjeçaren nga Kenia/ Gazetarja: Pse u fsheh nga policia, fijet që të çojnë te qeveria

14 Shkurt 2023, 21:44, Kronika CNA

Misteri i ngjarjes me 22 vjeçaren nga Kenia/ Gazetarja: Pse u fsheh nga

22 vjeçarja Joy Aoko, humbi jetën dy ditë më parë në një spital në Kenia.

Aoko që prej muajit Gusht qëndroi në koma ndërsa vetëm në fund të muajit janar u dërgua në një spital në Kenia ku dhe ndërroi jetë.

Aoko u dhunua në mënyrë barabare dhe u hodh nga banesa e saj në Tiranë. Kjo ngjarja ka mbetur një mister pasi prej 3 muajsh u fsheh dhe nga policia.

Gazetarja Anduena Llabani, e ftuar në emisionin "Now" me Erla Mëhillin, ka folur rreth kësaj ngjarje duke thënë se derisa u mbajt e fshehtë nga policia, në këtë çështje ka njerëz të tjerë të përfshirë që ende vazhdojnë të mbrohen.

Sipas gazetares fakti që nuk u bë publike tregon se mbart emra personazhesh të lidhura me familjarë të qeverisë.

“Fakti që policia e mbajti të fshehtë këtë ngjarje për tre muaj do të thotë se njerëz të tjerë fshihen pas asaj ngjarjeje që ende vazhdojnë të mbrohen. Dhe për shkak të mbajtjes kaq shumë pezull të shumë informacioneve dhe fakti që policia s’e bëri publike tregon se ajo mbart emra personazhesh të lidhura me familjarë të qeverisë. Ndaj ka ende presion në prokurori për këtë çështje.

Është e vështirë se këtu janë familjarë të ministrave të kabinetit të qeverisë Rama direkt mbrapa kësaj ngjarjeje. Dhe kjo nuk ka lidhje vetëm me punën e saj. Unë si gazetare kam pyetur cilët janë këta njerëz që e kanë parë për herë të fundit dhe e shoqëronin viktimën dhe këta na dalin që janë njerëz shumë të lidhur me ministra të qeverisë Rama. Momenti që ngjarja u fsheh, u dhanë dëshmi të rreme, u çuan prova të reja. Fakti që vetmja që mund të thoshte diçka dhe ajo nuk ndodhet këtu, fakti që janë hequr të gjitha shpenzimet e kurimit, iu mbyll goja dëshmitarëve. Merrni emrin e të dashurit, merrni mbiemrin dhe bëni lidhjen”, tha gazetarja./ CNA.al