web counter
LEXO PA REKLAMA!

SHKARKO APP

App Store
Google Play

E fundit!

x

Hoteli në Sarandë u hodh në erë/ Klodiana Lala zbardh planin e autorit

14 Shkurt 2023, 21:44, Kronika CNA

Hoteli në Sarandë u hodh në erë/ Klodiana Lala zbardh planin

Gazetarja Klodiana Lala ka treguar prapaskenat e shëmbjes me tritol të hotelit në Sarandë.

Në një intervistë për gazetaren Eni Vasili, ajo ka përshkruar se si Sotir Çabiri një nga personat e dyshuar si autorë i ngjarjes, i ka kërkuar pastruesës të largohet nga hoteli javën e fundit dhe është parë rreth orës 5 të mëngjesit duke nxjerrë disa sende nga shtëpia.

Gjithashtu ajo ka deklaruar se Çabiri një ditë para se të ndodhte ngjarja ka prerë tri bileta për Britaninë e Madhe.

Ndër të tjera gazetarja ka zbuluar se ka edhe një person tjetër të dyshuar për ngjarjen.

Lala është shprehur se personat që kanë vendosur eksplozivin duhet të kenë qenë ekspertë.

 “Në vendin tonë ka shumë ngjarje kriminale, duket se ngjarje të tilla kanë kaluar pa vëmendje. Por është një ngjaje në kufijtë e aktit terrorist, duhet të jemi mirënjohës që nuk ka viktima, sidomos me atë sasi tritoli që është përdorur. Mendoj që policia e Vlorës duhet të shkojë më tej për të kuptuar se çfarë ka ndodhur.

Përse dyshohet Sotir Çabiri. Rezulton që sasia minimale ka qenë 50 kg jo aq sa është thënë në fillim. Në të gjitha kolonat e katit të parë janë vendosur 50 kg tritol. Sotir Çabiri dyshohet se është një nga autorët sepse në javët e fundit ka qëndruar vetëm në hotel dhe i ka thënë pastrueses se nuk ka përse të qëndrojë në punë sepse nuk ka njerëz duke e përzënë në këtë mënyrë. Një ditë para ngjarjes ka prerë tri bileta drejt Britanisë së madhe.

Diku rreth orës 5 të mëngjesit ai ka dalë dhe ka nxjerrë nga atje disa sende, përfshirë edhe një tv të shtrenjtë, është rikthyer sërish dhe në vetë, dy minuta përpara se të ndodhte shpërthimi ai është larguar nga hoteli. Kanë qenë ekspertë personat që kanë vendosur eksplozivin, kjo është arsyeja përse dyshohet se është edhe një tjetër person. Ka punuar në mënyrë të tillë si të ishte ekspert.

Në pjesën pas dyshohet që në atë mënyrë të kenë hyrë edhe bashkëpunëtorë. Deri në afërsi të Portit ka pasur dëmtime të fasadave të hoteleve dhe ka qenë një fat i madh që nuk ka pasur njerëz duke lëvizur”, ka thënë gazetarja Lala.Është dëshmia e pastrueses që nuk ka qenë në punë gjatë gjithë javës. Por për të montuar 50 kg tritol në kolona që janë beton, nuk është konstatuar asgjë. Si ka mundësi që Sotir që ka qenë gjithë javën në hotel nuk ka konstatuar asnjë mjet për hapjen e vrimave. Pamjet filmike, dhe të dhënat e siguruara përmes dëshmitarëve, ka të dhëna.

Fakti që ka qëndruar një javë dhe shkonte në orën dy dhe dilte të nesërmen në orët e para të mëngjesit. Si ka mundësi që nuk është konstatuar në asnjë moment që ka pasur tentativa për të hapur vrima për tritol. Pra çështja është a do të arrijë grupi hetimit t’i japë përgjigje”, tha ajo./ CNA.al

 





Lajmet e fundit nga