web counter
LEXO PA REKLAMA!

SHKARKO APP

App Store
Google Play

E fundit!

x

“Arriti të rekrutonte punonjës policie”/ Klodiana Lala: “Klani Duka” drejt fundit

14 Shkurt 2023, 22:38, Kronika CNA
“Arriti të rekrutonte punonjës policie”/ Klodiana Lala:
Foto ilustruese

Gazetarja Klodiana Lala ka deklaruar se rënia në pranga e Leonard Dukës, mund të shënojë fundin e “Klanit Duka”.

E ftuar në emisionin “Open”, Lala është shprehur se Duka arriti të rekrutonte edhe punonjës policie në tentativën për të eleminuar Ervis Martinaj.

“Fatmir Hyseni nga Vlora, një personazh që përplasjet e para i ka pasur me Edison Harizaj që u vra më pas në Durrës. Me Ervis Martinaj kanë qenë shumë miq, filluan biznesin me lojërat e fatit, u përplasën shumë keq. Ka pasur të përfshirë edhe efektivëve të Policisë. Ka disa pamje filmike të lokalit La Famiglia, Blendi Teta sipas të dhënave ka hyrë në një burg të sigurisë së lartë dhe ka takuar një ndër personazhe të botës së krimit. Përpara se të vriste Santiago Malkon.

Duka me klanin e tij tentoi të vriste Ervis Martinaj. Arriti të rekrutonte një punonjës policie dhe mendohej se krimi do kryhej në Turqi, por që nuk u krye. Në momentin që dështoi për të eliminuar Ervis Martinaj u hakmor ndaj një njeriu të tij të besuar, Santiago Malko. Mendoj që rënia e Leonard Dukës në prangat e policisë belge dhe fakti që kanë një revansh shumë të thelluar, pasi ajo është e interesuar dhe po interesohet për njerëzit e krimit në Shqipëri, dhe rënia e Leonard Dukës në pranga do të shënoi edhe fundit e klanit Duka. Ka pasur kërkime nga ana e policisë për lidhje me ngjarje të tjera.

Në këndvështrimit tim, Ervis Martinaj sot konsiderohet i zhdukur. Fakti që grupi i Martinajt kishte marrë goditje të njëpasnjëshme dhe fakti që vetë Leonard Duka që u arrestuar, pjesa që nga mbetur nuk janë shumë të fortë ta çojnë përpara. Ekspozimi i këtyre dy grupeve kriminale, bëri që këta grupe sikurse u vunë në qendër të vëmendjes , ashtu edhe përfunduar në veprimtarinë e tyre”, tha gazetarja Lala./ CNA.al





Lajmet e fundit nga